من الحاجات الضرورية اللي كل ست لازم تلتزم بيها، هي تنضيف ضوافرها باستمرار، علشان تتخلص من اي اتربة متراكمة عليها، والامر مش محتاج منك تروحي لصالون التجميل، ممكن توفري الفلوس وتنضفيها في البيت بمواد طبيعية من مطبخك لهلوبة هتقولك عليها.
1- الليمون:
انقعي ضوافرك في ميه منقوع فيها شرايح ليمون لمدة 5 دقايق، بعدين افركيها كويس بالفرشاة، الليمون بيفتت الاوساخ وبيساعد على تبيض الضوافر.
2- الصابون والميه:
اسهل طريقة لتنضيف ضوافرك انك تنقعيهم في ميه دافية وصابون لمدة دقايق، وبعدين تفركيهم بفرشاة الاسنان كويس.
3- خل التفاح:
بيحتوي على احماض مطهرة ومضادة للفطريات، علشان كده من افضل المواد المطهرة والمبيضة للضوافر، انقعي ضوافرك في ميه وخل تفاح لدقايق وافركيهم بالفرشاة، لازالة اي ترسبات.
4- كربونات الصودا:
من الوصفات سريعة المفعول في تنضيف الضوافر وكمان بتديها لمعة، دوبي ملعقة من كربونات الصودا في ميه وانقعي ضوافرك فيهم وادعكيها بافرشاة وهتلاحظي النتيجة.
اقرأ أيضًا: مكونات طبيعية لعلاج مشاكل حروق الشمس في الصيف