حبنا لولادنا وخوفنا عليهم اوقات كتير ممكن يكون سبب فى أخطاء تأثر عليهم بعد كده، اسمعي نصايح لهلوبة وجربيها
1-بلاش تتهميه بالكدب:
"انت كداب".. كلمة ليها تأثير سيء جدًا على الطفل، لانها بتفقده ثقته في نفسه، وكمان بتعمل حاجز بينك وبينه لانه مش هيحس انك مصدقاه.
2-اوعى تحرجيه:
حافظي على شخصيته واحترميه قدام الناس، وحسسييه دايما انه مهم ومشاعره مهمة عندك، ومن الصعب تجرحيه.
3-التجاهل تصرف غلط
امهات كتير عن غير قصد بتتجاهل رأي ولادهم، وده من أكبر الأخطاء في التربية لان الطريقة دي اسهل حاجة تهدمي بيها شخصية طفلك
4- العلاقة الجافة بينكم هتأثر عليه:
لازم دايما تعبري له عن حبك، الحضن وكلمة بحبك طريقة سهلة جدا علشان ابنك يحس بالحب والامان اللي بيساعدوه يكون شخص ودود وواثق في نفسه فى كل علاقاته
5- الضرب:
أسوأ طريقة لعقاب ابنك على اي غلط بيعمله، كمان ممكن يحسسه بأنه شخص ضعيف، ولانك اكبر واقوى منه بتضربيه، وده تأثيره سيء جدا على نفسيته.