أكد عدد من سائقى التاكسى أنهم سيلتزمون بالتسعيرة الجديدة التى أقرّتها محافظة القاهرة، إلا أنهم يرون أنها غير عادلة فى ظل ارتفاع أسعار كافة قطع غيار السيارات والسولار والبنزين، إضافة إلى ارتفاع أسعار الأطعمة والمواد الغذائية.

وقال محمد موسى، سائق تاكسى فى منطقة الجيزة، إنه تابع ارتفاع أسعار التعريفة الجديدة من خلال الأخبار التى يتم إذاعتها فى الراديو، مؤكداً أنه لم يغير عداد سيارته، ويعمل بالعداد القديم. وأشار إلى أن الدولة تركز بشكل كبير مع سائقى التاكسى الأبيض فى الوقت الذى تُترك فيه شركات النقل الخاصة، مثل شركة «أوبر» تعمل دون رقابة منها، بالرغم من أن أصحاب التاكسى يقومون بدفع ضرائب للدولة دون نقاش قائلاً: «أنا مش قادر أصدق، الدولة سايبة سيارات ملاكى خاصة بتشتغل فى نقل الركاب وبيجى على رزقنا بالرغم من أننا بندفع للدولة كل اللى بيطلبوه مننا، يجب على الدولة منع هذه السيارات وإيقافها تماماً، إحنا بيوتنا خربت بسببها». وأكد حسين محمود، صاحب سيارة تاكسى فى منطقة المهندسين، أنه قام بتغيير العداد أمس الأول، بمجرد علمه بالتسعيرة الجديدة من خلال الأخبار، لافتاً إلى أن من قام بتغيير العداد ليس الإدارة العامة للمرور أو المحافظة وإنما هو شخص متخصص فى تغيير العدادات بمنطقة الكيت كات. وأضاف أن التسعيرة الجديدة ضعيفة، ولن تكفى حتى ما يتم إنفاقه على السيارة، وقال: «كل حاجة بقت غالية، فردة الكوتش اللى كنت بشتريها بـ300 جنيه النهاردة بقت بـ550 جنيه، جركن الزيت الـ2000 كيلو كان بـ60 جنيه دلوقتى بقى سعره 95 جنيه، وده طبعا أرخص سعر فى السوق، الواحد مبقاش عارف يعمل إيه ولا إيه، الدكتور اللى كنت بكشف عنده بـ50 جنيه دلوقتى غلّى الكشف ووصل لـ150 جنيه، وفى الآخر غلوا الكيلو 40 قرش، وفتحة العداد جنيه، على الأقل تكون 5 جنيه».

سائق: «زهقت من الشغلانة والزبائن قلت.. وكل حاجة بقت نار والزبون أساساً مش مستحمل.. وبقوا خايفين يركبوا معانا»

وتابع محمود: «أنا عايز أفهم مين اللى حط التسعيرة دى، وعلى أى أساس قدر يحدد السعر، طيب هو سائق تاكسى واتكلم مع الزباين؟!، كل اللى فيها هو قاعد فى مكتبه وبيدى أوامر وخلاص». فيما أعرب أحد سائقى التاكسى عن حزنه بسبب الظروف التى اضطرته للعمل كسائق تاكسى قائلاً: «أنا زهقت من الشغلانة، والزبائن كمان قلت، وكل حاجة بقت نار والزبون أساساً مش مستحمل، الناس بقت خايفة تركب تاكسى، الأسعار كلها بقت غالية نار، طول اليوم بقينا بنلف فى الشوارع، وفى الآخر الوردية بتلاقى نفسك جمعت 150 جنيه، طيب هعمل بيهم إيه الـ150 جنيه، ده الدوا اللى أنا كنت باخده سعره بقى نار والله بطلت آخد دوا».