أطلقت الأجهزة الأمنية بالإسكندرية، سراح الناشطة الحقوقية ماهينور المصري، والناشط السياسي يوسف شعبان، مساء أمس السبت، بعد إتمام إجراءات الإفراج عنهما، عقب قضاء فترة العقوبة سنة و3 أشهر بسجن برج العرب، على ذمة قضية اقتحام قسم الرمل خلال حكم جماعة الإخوان.

 

وقالت ماهينور، في تدوينة عبر صفحته الشخصية على موقع التواصل الاجتماعي "فيسبوك"، "سنة و3 شهور عدوا بسرعة مش علشان السجن تجربة سهلة، بس علشان الواحد محظوظ إنه كان محاط بأعظم عائلة و صحاب ورفاق".

 

وأضافت: "السجن أكتر مكان يقدر يقولنا إننا في المكان الصح.. الظلم اللي الواحد شافه جوة السجن للجنائيين والسياسين يخلينا نعرف إننا في الأغلب المكان الأصح.. الدولة المسعورة اللي بتاكل ولادها علشان مصلحة السلطة عمرها ما تقدر تكمل وتقف".

 

وتابعت: "في سنة و 3 شهور عدد المقبوض عليهم زاد.. بنشحت على قرض صندوق النقد الدولي اللي حيخلينا نشحت.. أسعار بتغلي.. جزيرتين فجأة صحينا لقيناهم بيقولنلنا مش تبعكم وكأننا ضيوف في البلد مش لازم نعرف بمفاجآت السلطة.. دولار سعره بقي مش مفهوم ودولة بقيت أهش من أي وقت بس سنة سنانها علينا، وبتحاول تخوفنا أو تخلينا نفقد الأمل".

 

واختتمت: "بس إحنا مش حنخاف ومش حنفقد الأمل.. علشان لسه في ناس تستاهل حياتهم تبقي أحسن وفي تمن ناس دفعته ولازم يتسدد.. في ناس كتير عايزة أكتب الحرية ليهم بالاسم.. من أول عفاف ورفيدة وأسماء حمدي وهنادي وآلاء وإسراء خالد وإسراء فرحات وسارة ورنا وبسمة رفعت وطنط سامية شنن وأسماء السيد وطنط سلوى وطنط ماجدة وهالة وطنط هالة فاتن ودعاء وهاجر وروضة وهبة قشطة ويسرا وبوسي وسناء و جميلة وعبير وشيماء ولؤي وعمرو عاطف وعلاء وهيثم ومالك ودومة وماهر وزيزو عبده وشوكان وسيد مشاغب وآلاف كتير من المظاليم، وستات غلابة اتسجنوا علشان عائلاتهم.. آلاف يستاهلوا الحرية وحيوصلولها لو احنا صدقنا في قدراتنا وراجعنا غلطاتنا، و قررنا إننا مش حننهزم".