لا تقولي عليه حبيبي قبل ما….!

الاحد , 10 ديسمبر 2017 ,1:46 م , 1:46 م

التعبير عن الحب مش مرتبط بمشاركة الافلام والهوايات والكتب والاراء بس، في حاجات تانية لازم تعملي حسابها قبل ما تسميه حبيبك، لهلوبة جيبالك نصايح لازم تتأكدي منها قبل ماتقولي انه حبيبي، اتعرفي عليها في السطور الجاية.

بيبادر بالخطوة الاولى

لازم يكون بيبدي اهتمامه بالكلام معاكي او انه هو اللي بيفتح موضوع او سبب علشان يكلمك من الاخر يعني "يتلكك" او انه يعرض انكم تروحوا اماكن معينة سوا او يقدملك المساعدة حتى لو لم تطلبي.

بيتصل بيكي

ممكن تبدأي تفكري انه مهتم لو كان بيبادر بالاتصال مش مجرد بيرد على تليفونك بس.

واضح

تقدرى تعتبريه حبيب لو عنده فكرة واضحة عن المستقبل وايه الخطوة الجاية فى مسيرة علاقتكم وهل بيعتبرها على محمل الجد او لا.

بطل يبص حواليه

على كل واحدة جذابة وحلوة، وانك الوحيدة اللي مالية عينيه، ساعتها تقدري فعلاً تعتبريه حبيب.

بيقرأ افكارك

لو لقيتي فى توارد افكار ما بينكم و بيقدر يعرف انتي بتفكري في ايه او حاسة بايه بمجرد ما يشوف تعابير وشك، ده دليل على التواصل الجيد بينكم.

متقبل الجانب المجنون في شخصيتك

وده مش بيغير فكرته عنك باي شكل يقلل من احترامه لكي، ومتفهم تماماً ابعاد الجانب ده.