5 غلطات للامهات في اول سنة أمومة.. اتجنبيها

الثلاثاء , 26 سبتمبر 2017 ,10:04 م , 10:04 م

اول سنة امومة بتكون من اصعب الفترات على كل ت في التعامل مع طفلها، خصوصًا وسط النصايح الكتير اللي بتفضل تسمعها من اللي حواليها، وعلشان كده لهلوبة هتقولك اخطاء منتشرة امهات كتير بيعملوها مع اول طفل ليهم.

1- الخوف والقلق من اي حاجة:

الدكتور ليون هوفمان، مدير مركز الطفل الرئيس في نيويورك، بيوضح ان كتير من الامهات الجداد بيقلقوا لما بيحسوا ان طفلهم الرضيع بيحاول يبصق او يتقيأ وبيعتقدوا انه كده بيلفظ انفاسه وهيموت، وغيرها من الاحاجات زي ان الطفل نام ساعات قليلة او أكل قليل او بيبكي كتير، وبيأكد على ان الاطفال الرضع مرنين اكتر ما كتير من الامهات معتقدين، والقلق الزايد بيجعل الطفل الرضيع غير عفوي ولا مستمتع بأول سنة في حياته.

2- عدم السماح للرضيع بالبكاء:

امهات كتير بيعتقدوا ان الطفل الرضيع اول ما يبكي يبقى بيعاني من حاجة معينة، ممكن تكوني رضعتيه وغيرتيله الحفاضة وبرده تلاقيه بيبكي، ده لان البكاء بيكون وسيلة الاتصال للاطفال في السن ده، لكن لو استمر لمدة ساعة مثلا، ده دليل على انه بيعاني من مرض معين ولازم تتصلي بالدكتور تسأليه في اسرع وقت.

3- لما تصحي طفلك علشان يرضع:

فيه اعتقاد ان لبن الام بيكون كتير بالليل، علشان كده هو انسب وقت الام ترضع فيه رضيعها، بس هو غلط، ولو كان طفلك الرضيع بيحب ينام بالليل لازم تتركيه، لان النوم الوقت ده مفيد ليكي وله، رضعي طفلك وقت ما يكون محتاج وبس.

4- عدم تركيب مقعد العربية بشكل صحيح:

لازم لو طفلك هيقعد على الكرسي المخصص للعربية، تتأكدي من قعدته انها بشكل صحيح، علشان تحافظي على حياته لانه ممكن يتخبط او يصاب.

5- تجاهل الزوج:

من اكبر الاخطاء اللي ستات كتير بيرتكبوها في اول سنة امومة ليهم، انهم بيبدأوا يركزوا كل اهتمامهم وتدليلهم لطفلهم الرضيع واهمال الزوج، لازم تاخدي بالك من شعور جوزك وتركزي اهتمامك عليه وعلى طفلك، فهو كمان محتاج ليكي زي طفلكم بالظبط.

اقرأ الخبر من مصدره

المصدر | لهلوبة