كل المعلومات المهمة عن تشوهات الاجنة

الإثنين , 18 سبتمبر 2017 ,4:56 م , 4:56 م

العيوب الخلقية بتصيب الجنين فى مرحلة التطور الاولى في رحم الام، وغالبا بتكون فى اول 3 شهور من الحمل، ممكن تكون بسيطة أو شديدة، بعهضا بيأثر على المظهر، والنمو البدنى والعقلي للجنين، وبعضها بسيط ولأن في الفترة الاخيرة سمعنا كتير عن تشوهات الاجنة واللي في بعض الحالات وصل للوفاة، اعرفي كل المعلومات عن التشوهات.

أبرز اسباب التشوهات عند الاجنة:

1- سبب وراثي.

2- تناول الادوية الكيميائية اثناء فترة الحمل.

3- التهابات مهبلية شديدة وقت الحمل.

وعلى الرغم من أن دى أبرز الاسباب، إلا أن فى اوقات كتير جدا التشوه بيحصل نتيجة سبب غامض وغير معروف، ومع ذلك بيكون في اسباب بتزود من خطر ولادة طفل بعيب خلقي، زي:

1- التدخين فى الحمل.

2- سن الام وهى حامل تجاوز 35 عامًا.

3- الالتهابات الفيروسية أو البكتيرية غير المعالجة.

4- العدوى المنقولة عن طريق الاتصال الجنسي.

5- استخدام الأدوية زى الإيزوتريتينوين والليثيوم.

6- الحوامل اللى بيعانوا في الاساس من مرض السكري كمرض مزمن.

أما العيوب الخلقية المنتشرة، بيتم تقسميها لثلاث انواع "هيكلية" أو "وظيفية" أو "تنموية":

العيوب الهيكلية، بتكون عبارة عن جزء معين في الجسم مفقود او فيه تشويه زي مثلا:

- عيوب القلب.

- الشفة المشقوقة، وده بيكون عبارة عن فتحة أو انقسام في الشفاة.

عيوب الولادة الوظيفية أو التنموية بينتج عنها ان جزء من الجسم أو النظام يحصل فيه خلل، وده غالبًا بيسبب مشكلة في الذكاء ونمو الطفل، ومن اشهرها:

- متلازمة داون، واللى بيسبب تأخير في النمو البدني والعقلي.

- مرض الخلايا المنجلية، وده بيحصل نتيجة خلل فى خلايا الدم.

- التليف الكيسي، اللى بيضر الرئتين والجهاز الهضمي.

علاج التشوهات:

بيختلف على حسب الحالة وشدة التشوه، يعنى في حالات بيتم علاجها قبل الولادة، لكن بعضهم بيتعالج بعد الولادة بوقت قصير، غير انه فى عيوب بتستمر مع الطفل طول حياته.

الأدوية:

ممكن تستخدمي الأدوية لعلاج بعض العيوب الخلقية او تقليل وقوع مضاعفات من عيوب معينة، وده بيتم من خلال الدكتور المتابع، علشان لو حصل أي خلل قبل الولادة.

الجراحة:

عن طريقها ممكن يحصل اصلاح العيوب أو التخفيف من الأعراض الضارة، زي بعض الأشخاص اللي بيعانوا من عيوب خلقية جسدية، زي الشفة المشقوقة، ممكن يخضعوا لعملية جراحية تجميلية اما لعلاج مشكلة صحية، أو لاهداف تجميلية.

الرعاية المنزلية:

ممكن يتم توجيه الام الحامل لاتباع التعليمات مرتبطة بالتغذية، وغيرها من الممارسات اللي ممكن تقلل من خطر الاصابة بتشوهات.

اقرأ الخبر من مصدره

المصدر | لهلوبة