من سن كام نبدأ نعاقب ولادنا؟

الاحد , 17 سبتمبر 2017 ,9:06 ص , 9:06 ص

كل سن في مرحلة الطفولة بيكون ليه خصوصيته وطريقة التعامع معاه، وعلشان تربيتك تكون مؤثرة كمان لازم تعرفي العقاب المناسب لعمر ابنك، وده اللي لهلوبة هتقولك عليه في السطور اللي جاية.

- اول 6 شهور:

في المرحلة دى ، لازم تفهمي ابنك الفرق بين الصح والغلط، وتبعدي عن الافعال غير المستحبة زي انه يشد شعرك أو يضربك بايده حتى لو بيهزر، ودي طريقة بتوفر عليكى كتير من الوقت والمجهود فيما بعد.

- من 8 شهور لـ 12 شهر:

على الرغم من ان طفلك فى المرحلة دى لسه مش قادر يتحكم فى تصرفاته او يفهم يعنى ايه كل كلمة بتقوليها، لكن هو عارف الفرق كويس بين "لا" و"أنا بحبك" على الاقل من نغمة صوتك ونظرتك ليه، كتير من تجارب الامهات السابقة اثبتت انه مع تكرار كلمة "لا" أو "ممنوع" ابنك بيعرف انه غلط يقرب من المنطقة دي، حتى لو اصر يعمل ده فى الأول بعدين بيفهم انك مش موافقة.

- من 12 لـ 24 شهر:

طفلك فى المرحلة دى ناضج أكتر من الشهور الماضية، يعنى استخدمي كلمة "لأ" بحزم شديد في وقت الغلط، كمان لازم يعرف ان في قرارات مفيش فيها رجوع فيه زي انه يبعد عن منطفة معينة فى البيت، الفترة دي مهمة فى تشكيل الطفل والتركيز على سلوكياته.

اقرأ الخبر من مصدره

المصدر | لهلوبة