لو حامل.. الخس هيساعدك تحافظي على صحتك

Saturday , 16 سبتمبر 2017 ,9:17 ص , 9:17 ص

يعتبر الخس من الاكلات المفيدة والمغذية لكل حامل، لانه بيزود من معدل استهلاكها للفيتامينات والمعادن والالياف، وكلها من العناصر الغذائية الضرورية لحملها، فهو بيحتوي على فيتامين "أ" و فيتامين "ج"، وكالسيوم وكلوريد وحديد وبوتاسيوم ونسبة صغيرة من البروتين وفيتامين "ك"، واحماض الفوليك، علشان كده لهلوبة بتنصحك بتناوله وهتعرضلك فوايده للجسم من خلال النقط التالية:

- ليه قدرة عالية في علاج مشاكل الجهاز الهضمي، زي عسر الهضم، والامساك، والغازات، اللي بتعاني منها الحامل بشكل كبير، وتحديدا في اول 3 شهور، لانه بيسهل حركة الاكل في الامعاء، نتيجة احتوائه على نسبة عالية من الميه.

- بيقلل من سرعة هضم المواد السكرية المتناولة خلال اليوم، وده بيحافظ على طبيعة نسبة السكر في الدم، وبالتالي منع الاصابة بسكر الحمل وخطر الولادة المبكرة.

- عدم الاصابة بالانيميا بسبب احتواءه على نسبة عالية من الحديد وحمض الفوليك، اللي بيحافظوا على عدد كرات الدم الحمرا، ونسبة الهيموجلوبين في الدم، وبالتالي بيقلل من احتمالية حدوث اجهاض، او اصابة الجنين بتشوهات.

- في الشهور الاولى من الحمل بتعاني الحامل من كتر الغثيان والقئ، مزج الخس مع الليمون والعسل والنعناع، في الخلاط، وشرب العصير كل يوم الصبح بيقلل من الموضوع ده.

- بيحسن صحة الشعر بسبب احتوائه على العديد من العناصر الغذائية المفيدة، زي الفيتامينات والاملاح المعدنية، اللي بتجعله يحفز عملية نموه، وبيزود من كثافته وحيويته.

اقرأ الخبر من مصدره

المصدر | لهلوبة