وجبات فطار صحية للحامل

الأربعاء , 13 سبتمبر 2017 ,2:06 م , 2:06 م

تعتبر وجبة الفطار من اهم الوجبات اللي بيتناولها الانسان خلال يومه، وبالتحديد الحامل، لانها بتمد جسمها بالطاقة وبتحسن من ادائك خلال اليوم وبتساعد على تقوية الذاكرة، ولان اي اكل بتاكليه لازم يكن مفيد ليكي وللجنين الموجود في بطنك، علشان كده لهلوبة جابتلك هتقولك على مجموعة متنوعة تنوعي منها، وهي:

1- سادوتش بيضة مسلوقة مهروس عليها افوكادو:

ابدأي يومك بتناول الساندوتش ده، لان الخبراء بيأكدوا ان صفار البيض بيساعد على تحسين وظائف دماغ الجنين ونموها بشكل صحي، خصوصًا في آخر 3 شهور من الحمل، والافوكادو بيحتوي على نسبة عالية من حمض الفوليك الاساسي لصحة الحامل، كمان بيقي الجنين من التشوهات الخلقية وبيضمن القدرات الذهنيه له، بالاضافة الى انه غني بالحديد اللي بيمنع اصابة الحامل بالانيميا.

2- الشوفان مع الحليب وعين الجمل والتفاح:

قبل ما تنامي بالليل، اخلطي ½ كوباية شوفان مع ½ كوباية حليب، ورشي عليهم ملعقة عين الجمل المفرومة، وضيفيلهم ½ تفاحة، واتركيهم في التلاجة، وافطري بالوجبة دي تاني يوم الصبح.

3- بيض وفاصوليا وجبنة شيدر:

اكسري بيضتين وضيفلهم الفاصوليا وجبنة مبشورة وطماطم ورشي عليهم ملح وفلفل واخلطيهم مع بعض كويس، بعدين سويهم على نار هادية وممكن تاكليها في ساندوتش رول، وجبة الفطار دي هتمد جسمك بالبروتين اللي الجسم بيكون محتاجه خلال اليوم.

4- كورن فليكس مع توت وحليب:

ابدأي روتينك الصباحي بتناول حبوب فيها ألياف عالية زي الكورن فليكس، وممكن تخلطيه مع الحليب والتوت، لامداد جسمك بفيتامين "ج" والحديد والكالسيوم المفيدين لصحتك انتي والجنين.

5- العصير الاخضر:

وهو مصنوع من لبن اللوز وحليب والكيوي والسبانخ وبذور الشيا، اخلطي ½ كوباية من حليب اللوز مع ½ كوباية حليب، وكيوي وشوية من السبانخ مع ملعقة من بذور الشيا واضربيهم في الخلاط.

العصير ده غني بفيتامين "ج" الموجود في الفواكه والبروتين والكالسيوم من الحليب وحمض الفوليك والحديد من السبانخ، واوميجا 3 من بذور الشيا.

اقرأ الخبر من مصدره

المصدر | لهلوبة