عالجى مشكلة تساقط الشعر عندك وعند اولادك بمكون طبيعى وبـ 2 جنيه بس.

الثلاثاء , 12 سبتمبر 2017 ,9:21 ص , 9:21 ص

تساقط الشعر مشكلة بيعانى منها الولاد و البنات و بتكلفهم كتير من فلوسهم ووقتهم علشان يتخلصوا منها ، لكن خلاص لهلوبة بحثت و لقت افضل طريقة لعلاج تساقط الشعر عن طريق ورق الجوافة.

الجوافة من الفواكه الاستوائية اللذيذة المليانة بالفيتامينات والمواد المغذية، زي فيتامين "أ" وهو مضاد للأكسدة، وفيتامين "ج"، حمض الاسكوربيك والبوتاسيوم المفيدين لخلايا وأعضاء الجسم علشان تشتغل بشكل سليم، كمان الألياف الغذائية والليكوبين اللي بيحميكي من الاصابة بالسرطان والأمراض المرتبطة بالقلب والأوعية الدموية.

بالإضافة لفوايدها، ثبت ان أوراقها بتحسن نمو الشعر و بتقلل سقوطه يعني ممكن يبقى ورق الجوافة جزء من روتين العناية بالشعر اليومي ليكي، خصوصا لو عرفتي ان بعض انواع الشامبو والبلسم بتحتوي عليه باعتباره واحدة من المكونات الاساسية لحل مشاكل سقوط الشعر.

طيب مكونات الوصفة ايه:

بـ 2 جنيه ورق جوافة من عند العطار.

1 لتر ماء

الطريقة:

- نغلي الميه ونضع فيها أوراق الجوافة لمدة 20 دقيقة.

- بعد الغليان، نخرج الورق من الخليط، ونتركه يبرد فى درجة حرارة الغرفة.

- نضع الخليط على فروة الرأس وندلك زي الشامبو بالظبط.

- نتركه على الشعر ساعة او اتنين و ده بيعتمد على الفترة اللى تقدرى تسيبيه على شعرك فيها.

- بعد كد نشطفه بالميه، ولأفضل النتايج نستخدمه قبل النوم و نغطى الشعر و نتركه عليه لحد الصبح.

لو عملتى ده بشكل صحيح ويومي كجزء من روتينك، فمسألة تساقط الشعر تبقى اتحلت بالتأكيد! بالاضافة الى ان الخليط ده هيحسن جذور شعرك و بصيلاته.

اقرأ الخبر من مصدره

المصدر | لهلوبة