5 تطبيقات صحية.. حمليها قبل الفرح

Saturday , 9 سبتمبر 2017 ,10:05 ص , 10:05 ص

مع اقتراب يوم فرحك، فأنتي بتبقي عايزة جسمك يكون صحي ورشيق وبتحاولي تتجنبي أي مرض ممكن يصيبه، حسب، وفيه تطبيقات صحية ومفيدة للياقة البدنية، ممكن كل عروسة تستغلها قبل فرحها، لانها هتساعدها في الحفاظ على رشاقتها وهتعرف أنواع الرياضات المفيدة ليها، وهي:

1- "Headspace":

بيقدم التطبيق ده 10 دقايق للتأمل، ولتحسين حالتك النفسية وبيعلي طاقتك وبيقلل الإجهاد عندك، لان ثبت علميًا إن التأمل بيخفف من حدة التوتر وبيساعد على التركيز وبيعزز من مستوى الإبداع، خصوصًا لما الأمر بيتعلق بالتخطيط للفرح.

2- "Waterlogged":

بيساعدك على شرب المياه بانتظام كل يوم، لانها بتحافظ على نقاء بشرتك وبتخرج السموم من الجسم، وبتديكي احسساس بالانتعاش.

3- "MyFitnessPal":

التطبيق ده بيحددلك السعرات الحرارية اللي لازم تاخديها في اليوم ونوع الأكل اللي تاكليه، لانقاص الوزن الزايد أو علشان تحافظي على وزنك.

4- "Peloton":

بيحددلك عدد المرات اللي المفروض تتمرينها على العجلة والسعرات الحرارية اللي فقدتيها وأنتي بتتمرني عليها، ده هيساعدك تحافظي على جسمك رشيق أو تخسري الوزن الزايد فيه.

5- "Active":

التطبيق ده بيعرفك وبيسجل أحداث اللياقة البدنية والتدريبات، زي سباقات الجري 5K وأحداث الرياضات المختلفة، كمان هتعرفي منه خطط التدريب وازاي تحسبي وزنك المثالي.

اقرأ الخبر من مصدره

المصدر | لهلوبة