ايه اللي الست بتحتاجه في سن اليأس

الثلاثاء , 5 سبتمبر 2017 ,11:53 ص , 11:53 ص

بعد وصول الست لسن اليأس، بتعتقد ان انوثتها وجاذبيها قلوا، واصبحت غير مغرية لشريك حياتها، لكن وفق الباحثين فالاعتقد ده غير صحيح بالمرة، الا انها بتكون محتاجة لبعض الحاجات من جوزها خلال تعامله معاها وهي:

1- فهم حالتها:

على اي زوج انه يفهم التغيرات الفيسيولوجية اللي مراته بتمر بيها خلال المرحلة دي، لانها في حاجة لوجوده جنبها باستمرار، ومعاملته ليها بحنية، ويحسسها انها لسه جميلة في نظره.

2- الدعم العاطفي:

المرحلة دي بتأثر على الحالة العاطفية عند الست، لانها بتبتدي تحس بقلة حب جوزها لها، وممكن الاحساس يزيد مع عدم اهتمام الرجل بيها وباحتياجاتها، وكشفت الدراسات ان حوالي 70% من الرجالة مش بيعرفوا يتعاملوا مع التغيرات اللي بتمر بيها زوجاتهم في سن اليأس، علشان كده لازم تعامل مراتك برومانسية وتدعمها وتحاول تفهم مشاعرها، علشان تحافظواعلى علاقتكم ببعض.

3- الاستماع ليها:

في الفترة دي حاجة الست للي يسمعها ويهتم بكلامها بتزيد، هنا يجي دور الزوج اللي لازم يكون مستمع جيد لكلام مراته حتى لو كان غير مهم بالنسباله، لانها من خلال حديثها معاه بتخفف عن نفسها.

4- الصبر عليها:

لازم تكون على استعداد لتقبل اي سلوك او معاملة حادة وغير متوقعة منها، لان هرموناتها بتكون هي المتحكمة في تصرفاتها، علشان كده عاملها بصبر، وحاول تلاقي معاه حلول بشكل هادي وعاقل في نفس الوقت.

5- اوعى تقلل منها:

في حالات كتيرة سخرية الرجل من مراته بتزيد لما توصل لسن اليأس، ويبتدي يستهزأ بتصرفاتها ويربطها بانها خلاص كبرت وراحت عليها، وده من الامور الصعبة على الست وبتتقبلها بصعوبة، فالست اللي ضحت وسهرت على راحة جوزها واسرتها، بتكون في حاجة لرد الجميل ليها والتفكير في مشاعرها ومراعاة احساسيها خلال الحالات والمواقف المختلفة.

6- الاخلاص لها:

اي رجل مخلص بيكون متفهم لمرور مراته بسن اليأس، وبيدرك ان الوفاء لها وعدم خيانتها من اهم الامور اللي هتساعدها على تخطي الأزمة دي بسلام ومن غير خساير تذكر وممكن تجعلها مهتمة بنفسها وصحتها، اما خيانته ليها مع واحدة تانية اصغر منها، هتسبب في خساير كبيرة للطرفين ، وممكن تدخلها في اكتئاب وعدم ثقة في الآخرين وغيرها من الآثار السلبية.

اقرأ الخبر من مصدره

المصدر | لهلوبة