7 استخدامات مختلفة للزيوت العطرية.. اتعرفي عليها

الإثنين , 4 سبتمبر 2017 ,4:00 م , 4:00 م

الزيوت الطبيعية من أهم المنتجات اللي الناس بدأت تنتبه ليها مؤخرا بعد ما عرفوا ان ليهم فوايد كتير جدا، الا ان في اعتقاد ان اغلب الاستخدام الخاص بها متعلق بالشعر و الكلام ده مش صحيح، لان فوايدهم متعددة ومتنوعة وكتيرة، وده اللي لهلوبة هتعرفك عليه في السطور اللي جاية.

- زيت السمسم:

لو عايزة تستعيدي بياض اسنانك وتحصلي على لمعة مميزة فيها، وكمان تحافظي على اللثة آمنة، استخدمي زيت السمسم واشطفي به الفم.

- زيت الكركديه:

أقل الزيوت استخداما مع الشعر هو النوع ده، مع انه بيزود نموه ويتقله ويطوله ويقوي الجذور كمان، والكركديه المطحون لو عملتي بيه ماسك على شعرك هيصحي الجذور اللي ماتت وبطلت تطلع شعر وتخليها تنتج تاني.

- زيت الخروع:

اكتر زيت يساعدك لو عايزة حواجب ورموش اتقل وأجمل ونتايجه مبهرة وسريعة.

- زيت بذر الكتان:

بذور الكتان بتساعد على التخسيس جدا، والزيت المستخلص منها بيبقى فيه خلاصة الفايدة ولو شربناه مخفف او ستخدمناه مع الأكل هنلاقي حرق الدهون زاد بشكل ملحوظ.

- زيت شجر الشاي:

لو بتطلعلك حبوب بشكل مفاجيء وبدأت تضايقك، استخدمي النوع ده لانها بتهدي الالتهاب وتقتل البكتيريا اللي بتسبب الحبوب وبيعالج البشرة الدهنية.

- زيت الزيتون:

بيعتبر الحل المثالي لو كعب القدم فيه جفاف وتشققات لانه بينعم ويطري الجلد والشعر كمان.

- زيت اللوز:

مفيد جدا للبشرة وللضوافر بيجعلها صحية وبتلمع وقوية عن طريق انك تدهنيهم به كل يوم.

اقرأ الخبر من مصدره

المصدر | لهلوبة