اخطاء عند استخدام الشامبو الجاف

Saturday , 2 سبتمبر 2017 ,11:36 م , 11:36 م

الشامبو الجاف من المستحضرات المفضلة عند كتير من الستات، خصوصًا لو كانت مشغولة او بتمارس رياضة معينة وشعرها بيعرق كتير، لانه بيخلصه من الاوساخ والزيوت من غير ما تضطري تغسليه، لكن اوقات بيتم استخدامه بشكل غلط، علشان كده لهلوبة هتقولك الطريقة الصح، واللي هي:

1- وضعه مباشرة على فروة الرأس:

الخطوة دي بتترك آثار بيضا من المستحضرات على جذور الشعر، يفضل تستخدمي الشامبو بعيد عن الفروة وبكمية قليلة.

2- اختيار لون شامبو غير مناسب لدرجة شعرك:

لو كان شعرك غامق واستخدمتي شامبو جاف درجته فاتحة، بيبقى الموضوع كانك وضعتي طباشير عليه، اما لو كان العكس هيبهت وشكله هيكون غير جذاب.

3- عدم تمشيط شعرك بعد تطبيق الشامبو الجاف:

تدليك المستحضر بين خصلات شعرك غير كافي لتوزيعه بشكل متساوي، مشطيه كويس لضمان وصول الشامبو بشكل كامل.

4- تجاهل استخدامه على اطراف الشعر:

المشكلة اللي بتصيب الشعر غير النضيف هي ان جذوره بتكون دهنية واطرافه جافة، فبلاش تنسي وضعه على اطراف شعرك لترطيبها.

5- وضع المستحضر كامل وبنفس الكمية:

غير ضروري انك تستخدمي الشامبو الجاف على شعرك كله بنفس الكمية، خصوصًا ان فيه مناطق معينة بتكون دهنية زي الخصلات الامامية وأخرى جافة على سبيل المثال الاطراف.

اقرأ الخبر من مصدره

المصدر | لهلوبة