5 أماكن نضفيها كويس خلال الاستحمام

الإثنين , 28 أغسطس 2017 ,11:07 ص , 11:07 ص

معروف ان الاستحمام بانتظام امر ضروري للحفاظ على نضافة اجسامنا، وفيه اماكن ستات كتير بينسوا ينضفوها كويس على الرغم من تراكم البكتيريا والجراثيم عليها ومن ضمنها:

1- خلف الاذن:

فيه ستات بيقلقوا من تنضيف الاذن بشكل صحيح، بسبب التحذيرات المتعلقة بابعاد الميه عنها، وخلف الاذن من المناطق اللي بيتم اغفال تنضيفها، على الرغم من تعرضها للعرق وتراكم الاتربة عليها، علشان كده لازم تمرري عليها الميه والصابون عند الاستحمام، خصوصًا في الصيف.

2- تحت الصدر:

من الاماكن المعرضة للعرق بسبب ارتداء حمالة الصدر اغلب الوقت، وبالتحديد في الصيف، بالاضافة للريحة الكريهة اللي لازم التخلص منها، اهمال تنضيف المنطقة دي بيعرضها للالتهابات والتسلخات واسمرار لون الجلد، علشان كده ازم تدعكيها بالليفة كويس خلال الاستحمام.

3- السرة:

حسب دراسة اجرتها مجموعة بحثية بولاية كارولاينا الشمالية، فان السرة بيتجمع عليها اكتر من 2370 نوع مختلف من البكتيريا، لكنهم غير ضارين، علشان كده لازم تنضفيها كويس خلال الاستحمام، وتنشفيها كويس جدا، لان الرطوبة بيئة ممتازة لنمو البكتيريا.

4- تحت البطن:

المنطقة دي بتضغط عليها الملابس الداخلية واحيانًا الخارجية كمان، ولازم تدعكيها كويس اثناء الاستحمام، لمنع اسمرارالجلد.

5- خلف الرقبة:

من الاماكن اللي فيه ستات بينسوا ينضفوها وبتسبب اسمرار لونها وبتكون شاحبة عن الرقبة من قدام، وطبعًا مزعجة لاي حد يشوفها، وفي الصيف بتكون معرضة للتراكم البكتيريا والجراثيم عليها نتيجة تعرضها للعرق، مهم جدًا تمرري الميه والصابون على الرقبةعليها من الامام والخلف، علشان تتخلصي من اي اتربة ومن الجلد الميت الموجود عليها.

اقرأ الخبر من مصدره

المصدر | لهلوبة