اكسري حاجز خوف ليلة الدخلة بالطرق دي

الاحد , 27 أغسطس 2017 ,2:48 م , 2:48 م

ليلة الدخلة من الليالي اللي لا يمكن تتنسى في حياة أي زوجين سواء كانت حلوة أو محرجة، المهم انها بتفضل ذكرى قوية بينهم، وعلشان تكون مميزة بدون توتر أو كسوف، لهلوبة هتقولك على مجموعة نصايح تكسري بيهم حاجز الخجل وتقللي القلق.

- المداعبة:

لمس الايد، القبلات السريعة، المغازلة كلها حاجات مهمة بين الزوجين علشان كسر حاجز الخجل والتوتر.

- الريحة الحلوة:

مهمة جدا للجو الرومانسي العاطفي وبتقوي الاحساس بيه، اهتمي انك ترشي ريحة حلوة في الاوضة ليلة الفرح ويفضل لو كانت ريحة بيحبها الطرف التاني وبلاش المعطرات والروايح المعتادة في المحلات.

- الموسيقى:

شغلي في الشقة أغاني مناسبة هتعمل جو لطيف جدًا وظبطي الصوت بحيث يكون هادي بلاش يبقى عالي.

- الملابس المثيرة:

اهتمي تلبسي حاجة مغرية ومثيرة باللون والشكل اللي يعجبه ويفضل لو كانت الخامات ناعمة ومريحة مش ملابس من خامات خشنة.

- الألعاب:

ممكن في اليوم ده تلعبي مع زوجك، زي انك تغمي عينه وتطلبي منه يدور عليكي، الألعاب دي بتستهوي الراجل في العموم.

- الذكريات:

افتكروا مع بعض امتى أول مرة اتقابلتوا فيها، أو أول مرة اعترفتم بحبكم لبعض، فكريه بأحلى اوقات لكم مع بعض.

- الإضاءة:

حاولي تجعليها ساخنة من الألوان الدافية بلاش البيضا الكاشفة، وفي نفس الوقت مش لازم تضلمي الأوضة، وممكن تستخدمي الشموع بدل اللمبات.

اقرأ الخبر من مصدره

المصدر | لهلوبة