تسريحات شعر للعرائس موضة 2017

الأربعاء , 23 أغسطس 2017 ,7:16 م , 7:16 م

تسريحة شعر العروسة جزء مهم جدًا من اطلالتها، ولازم تختارها بعناية ودقة، علشان كده لازم تكون متابعة لكل جديد في عالم الموضة، ولو كنتي عروسة في 2017، لهلوبة هتقولك على الجديد.

1- الشعر المموج:

دايمًا بيكون ليه سحر خاص، علشان كده ممكن لو شعرك طويل، تختاري لوك الفورمة بالشعر المموج، بتكون مميزة جدًا وليها إطلالة خاصة جدًا وغير تقليدية.

2- فورمة اللؤلؤ

فكرة لطيفة جدًا انك تختارى اكسسوارات من اللؤلؤ لشعرك في يوم الفرح، وغير ان ليه شكل مختلف ومميز، فهو كمان بينفع مع الشعر القصير والطويل.

3-فورمة الكعكة:

ممكن تكون صعبة لذوات الشعر القصير، الا انها ممكن تنفع مع بعض الاضافات من الشعر المستعار، وغيرها من التفاصيل التانية، اللي هتناسب كمان العرايس قصيرة القامة.

4- الشعر المفرود:

دايمًا بنتخيل ان علشان عروسة لازم يكون في فورمة كبيرة، الا ان الموضة بتقولك ان ممكن يكون جزء كبير من شعرك مفرود عادي غير ان ده بيمنحك اطلالة رائعة وبسيطة وغير متكلفة.

5- الفورمة التقليدية:

التسريحة دي على الرغم من انها تقليدية جدًا الا انها بتناسب العرايس اللي بيفضلوا الظهور بالشكل الكلاسيكى.

اقرأ الخبر من مصدره

المصدر | لهلوبة