قبل الحمل.. قايمة بأشهر الامراض المصاحبة له

الأربعاء , 23 أغسطس 2017 ,12:35 ص , 12:35 ص

الحمل لاول مرة تجربة جديدة على الجسم، كل الاجهزة فيه بيحصل لها تغيرات، بداية من الهرمونات للعظام، التطورات دي ممكن ينتج عنها خلل يسبب لجسمك أزمة خلال فترة الحمل، وكتير من الستات الاصحاء وقت الحمل بيتعرضوا لامراض مختلفة وده اللي لهلوبة هتعرفك عليه فى السطور الجاية.

- فقر الدم:

الاعراض:

1- الاحساس بالضعف والتعب.

2- شحوب الوجه.

3-الاغماء في بعض الاوقات.

4-ضيق في النفس.

العلاج:

ممكن عن طريق مكملات الحديد وحمض الفوليك، ومهم تتابعي من وقت للتانى نسبة الحديد فى الدم علشان تتأكدي ان صحتك كويسة.

- اكتئاب الحمل:

الاعراض:

1- الحزن الشديد.

2- الاحساس بالعجز.

3- مشاكل في الشهية اما اكل زيادة او الامتناع تماما.

4- افكار سلبية لضرر نفسك أو جنينك.

العلاج:

من أشهر الطرق هو الادوية، لكن ممكن يكون ليها تأثير سلبي على الجنين، علشان كده ممكن الام تلجأ لمجموعات الدعم وتسمع وتحكي تجربتها علشان تعرف تتجاوز الأزمة النفسية.

- الحمل خارج الرحم:

الاعراض:

1- وجع في البطن.

2- آلام في الكتف.

3- نزيف مهبلي.

4- الاحساس بالدوخة.

العلاج:

مفيش حل غير استئصال الحمل لانه لو استنى وقت زيادة من المتوقع انه يسبب ضرر لباقى اجهزة الجسم.

- سكر الحمل:

الاعراض:

في الغالب مفيش أعراض واضحة للاصابة بسكر الدم، لكن ممكن تلاحظى مثلا الاحساس الزايد بالعطش وكذلك الجوع، كمان التعب علامة على الاصابة، لكن الفيصل هو عمل اختبارات السكر.

العلاج:

من السهل ان المريضة تتحكم اكتر في مستواه عن طريق تناول اكل صحي، وفي بعض الاوقات ممكن يكون الانسولين ضروري، لان الاهمال فيه ممكن يتسبب فى مضاعفات زي:

- تسمم الحمل.

- الولادة المبكرة.

- الولادة القيصرية.

- ولادة طفل بوزن زايد وده ممكن يصعب الولادة.

- ولادة طفل بيعاني من مشاكل في التنفس.

5- الضغط العالي:

الاعراض:

صداع أو سخونة الرأس من ضمن أشهر اعراض ارتفاع ضغط الدم.

العلاج:

متابعة مع الطبيب لعلاج مستوى ضغط الدم، علشان الاهمال فيه ممكن يسبب تسمم حمل وبالتالى الولادة المبكرة أو مضاعفات تانية أخطر.

- المشيمة المنزاحة:

الاعراض

نزيف مهبلي غير مؤلم وغالبًا بيكون في الشهور الثلاثة الثانية أو الأخيرة، وفى بعض الاوقات الاعراض لا تظهر.

العلاج:

لو تم تشخيص الحالة بعد مرور 20 اسبوع على الحمل، لكن من غير ظهور نزيف، يكون العلاج الامثل هو الراحة في السرير، لكن في حالة وجود نزيف لازم تدخل المستشفى في أسرع وقت علشان تتطمني على استقرار حالتك وحالة الجنين، ولو استمر النزيف يبقى الاحسن الولادة القصيرية.

- انفصال المشيمة:

الاعراض

1- نزيف مهبلي.

2- تشنج، وآلام في البطن و الرحم.

العلاج:

في الحالات البسيطة بيكون الحل الأمثل هو البقاء في السرير لفترة لحد ما النزيف يقف تمامًا، لكن لو استمر وحالة الام غير مستقرة يكون الاحسن الولادة القيصرية.

- تسمم الحمل:

الاعراض:

1-ارتفاع الضغط.

2-تورم الايد والقدم والوجه.

3-ارتفاع نسبة البروتين في البول.

4-آلام فى المعدة.

5-مشاكل في الرؤية.

6-دوخة.

7-صداع.

العلاج

الحل الوحيد هنا هو الولادة القيصرية لأنه ممكن يسبب مضاعفات تأثر على حياة الجنين، لكن في بعض الحالات بيكون الوقت فيها مبكر على الولادة، علشان كده الام بتبقى تحت الرعاية لحد حالتها ما تستقر.

-الطلق المٌبكر:

الاعراض:

1- زيادة الافرازات المهبلية.

2-تشنجات في الحوض.

3-آلام في الضهر.

4-تقلصات في الرحم.

العلاج:

الراحة والادوية المساعدة على تثبيت الحمل وغيرها من الاعراض المصاحبة احسن طريقة للعلاج، لأن الولادة المبكرة ليها كتير من المخاطر ابرزها ولاده طفل غير مكتمل النمو.

10-القيء الصباحي:

الاعراض:

1- الاحساس الدائم بالرغبة فى القيء.

2- القيء اكتر من مرة.

3- فقدان الوزن.

4-الاغماء.

العلاج:

الادوية المسئولة عن الاحساس بالغثيان والقيء بتلعب دور مهم في العلاج، لكن كمان الاكلات زي الفاكهة على سبيل المثال ممكن تساعدك انك تقللي من عدد مرات القئ.

اقرأ الخبر من مصدره

المصدر | لهلوبة