اسباب ارتباط البنت براجل قد ابوها

الثلاثاء , 22 أغسطس 2017 ,4:37 م , 4:37 م

بنقابل كتير من بنات في سن العشرين وممكن التلاتين بيفكروا في الارتباط من رجل كبير في السن ممكن عمره يكون قد والدها او اكبر كمان، وطبعا ده بيقابله استنكار وتحذير من خطورة الامر ده، لكن لازم نعرف الاسباب اللي ورا القرار ده، ودي اللي لهلوبة هتقولك عليها:

1- غياب الاب في حياة البنت:

من الاسباب الهامة اللي بتجعل بعض الفتيات يفكروا في الجواز من رجل اكبر منهم في السن بكتير، فقدانها لمشاعر العطف والحنان من الاب اللي ممكن يكون غايب بسبب موته او سفره او حتى انفصاله عن الام، فلما البنت تشوف الرجل المسن تبتدي تحس بالامان الارتياح معاه، وتختلط عندها المشاعر والمفاهيم، وتبتدي تتعلق بيه، وتحاول تلفت انتباهه وتسعى للارتباط به.

2- كل طلباتها مجابة:

فيه بنات بتفكر ترتبط برجل كبير في السن وغني، لانه هيلبي كل طلباتها ويشتريلها هدايا كتيرة، عكس اي شاب ممكن ترتبط بيه وهو غير مستقر ماديًا، والرجل المسن بيفهم ده، لكن بردوا هتلاقيه بينفذ اي حاجة تطلبها من غير تفكير وكل همه رضاها.

3- الاحتواء النفسي:

الرجل الكبير في السن بيبتمتع بهدوء وعقل، بسبب كتر المواقف اللي مر بيها، خصوصًا لو سبق ليه الجواز، وبيعرف يتعامل مع الست كويس ويحتويها نفسيًا، وعادة البنات بتكون محتاجة للمعاملة دي.

4- التعرض لصدمة عاطفية:

أو تجربتها القاسية بالارتباط بشاب من سنها، اتكونت عندها صورة ان الشباب غير جادين وبيتلاعبوا بمشاعر البنات، ومش بيفكروا في الجواز والاستقرار، اما الكبير في السن فهو جاهز ويقدر يتجوزها في اي لحطة بس هي توافق عليه.

5- مشاكل اسرية:

اوقات كتير بيت العيلة بيكون بمثابة سجن للبنت، بتحلم بالوقت اللي تخرج فيه منه، فتبتدي توافق على اي رجل يتقدملها، حتى لو كان اكبر منها في السن بكتير، لاعتقادها ان هو اللي هيخلصها من سجنها، وهتروح معاه للحرية والجنة، والاعتقاد ده اوقات كتير بيكون غلط.

اقرأ الخبر من مصدره

المصدر | لهلوبة