مش هتصدقي صنادل الصيف بتعمل ايه فيكي؟

الثلاثاء , 22 أغسطس 2017 ,9:36 ص , 9:36 ص

فى الوقت ده من كل سنة، الستات بتبدأ تختار أحذية الصيف خصوصًا مع ارتفاع درجات الحرارة، ولأن الأناقة من أهم الحاجات اللي بتشغل بال الستات، في شوية تفاصيل لازم تاخدي بالك منها زي راحة رجليكي وانه يكون مناسب ليكي وده اللي لهلوبة هتقولك عليه في السطور اللي جاية.

1- بلاش أحذية ضيقة:

من أهم النصايح اللي لازم تخلي بالك منها، أن المقاس يكون مناسب ليكي ومش ضيق، لأنه ده بيظهر قدمك بشكل غير لائق وكمان ممكن يكون سبب رئيسي في اصابتك بتشوه في القدم، وظهور الأورام سواء فى الأصابع أو مناطق أخري في القدم.

2- ابعدي عن الأحذية اللي فيها أربطة:

ممكن يكون مناسب ليكي وشكله شيك جدًا، لكن التصميم ده من الأحذية بيسبب مشاكل كتير جدًا لرجلك زي أزمة فى الدورة الدموية، وكمان تزايد التعرق وآلام شديدة في المفاصل.

3- تجنبي أحذية "أم صابع":

على الرغم من انها مريحة ومناسبة للبيت أو الشاطئ وفي منها تصميمات رقيقة جدًا تنفع تتلبس الصبح سواء فى الشغل أو النادي، إلا أنها لازم تكون مصممة بشكل معين علشان تضمن الراحة لأصابع القدم، لأن غير كده بيأثر على الأنسجة وممكن يسبب التزحلق.

4- الكعب العالي طول الوقت مُضر ليكي:

البنات القصيرة دايمًا بيفضلوا يلبسوا الكعب العالي طول الوقت وده معناه ان عضلات رجلك طول الوقت هتفضل تعبانة ومتوترة، والحمل اللى علي رجلك غير متساوي، يعني لازم تعرفي ان ده بيـأثر على صحة رجلك فيما بعد، علشان كده يفضل يكون عندك أحذية فلات أو منخفضة.

5- خلي بالك من الأحذية الواسعة عليكي:

ولأن الأحذية الضيقة مُضرة ليكي ، كمان الواسعة ليها نفس الضرر، يعنى لو قررتى تختاري حذاء مقاسه أكبر من مقاس رجلك، ده معناه ان عضلات رجلك هتشتغل بشكل مضاعف، ومع الوقت ده يأثر على الأنسجة ويسبب ليكي مشاكل فى الضهر.

اقرأ الخبر من مصدره

المصدر | لهلوبة