حاجات اتجنبيها في شهر العسل

الإثنين , 21 أغسطس 2017 ,10:27 م , 10:27 م

فى شهر العسل مهم جدًا تحافظي على بعض التفاصيل المتعلقة باطلالتك وتصرفاتك وحاجات كتير جدًا، لان الفترة دي بتكون فيها أجمل الذكريات بينك وبين جوزك، عشان كده لازم تنبسطي جدًا بيها، وكمان في مجموعة حاجات تجنبي تعمليهم تمامًا زي:

1 -تقرري تكوني حامل:

كتير من الستات بيقرروا يحملوا فى الشهر الأول من الجواز، ولكن يفضل انك تتجنبي الموضوع ده في شهر العسل علشان تستمعي على قد ما تقدري.

2- حجز شهر العسل عليه:

بدلًا من الاهتمام بتفاصيل الحجز وغيرها من الأمور المزعجة، لازم تركزى اهتمامك جدًا على نفسك فى الفترة دي وتستعدي للسفر كويس بدل ما تشغلي نفسك بالحجز واختيار المكان.

3- اوعي تشتري مكياج:

مهم جدًا تكون فترة شهر العسل ليكى ولجوزك بس، احرصى ان كل الحاجات اللي هتحتاجى ليها في الفترة دي تكون جاهزة من قبل السفر، لأن ده كمان هيكلفك فلوس كتير.

4- بلاش تقضى شهر العسل فى نفس فندق الفرح:

حتى لو كنتى عايزة توفرى تكاليف السفر لمكان خارج البلد اللي مقيمة فيها، حاولي تختاري فندق تانى تقضوا فيه شهر العسل لأن تغيير مودك والمكان مهم في الفترة دي.

5- خطة شهر العسل لازم تكون قبل الفرح:

مع إن الفنادق أو المنتجعات بتكون فيها كتير من الأنشطة والفقرات اللى ممكن تكون ممتعة فى شهر العسل، لكن لازم تكونى عاملة خطة الفسح قبل الفرح عشان تقدروا تستمعوا بالوقت كويس.

اقرأ الخبر من مصدره

المصدر | لهلوبة