نصايح لمنع الاصابة بالحبوب في منطقة البكيني

الخميس , 17 أغسطس 2017 ,3:13 م , 3:13 م

الحبوب في منطقة البكيني من الحاجات المزعجة عند المرأة وممكن توصل لحد الالم وتلتهب، وفي ناس كتير بيقى صعب عليها تعرف سببها، أو تعرف تتخلص منها ازاي، علشان كده لهلوبة هتقولك نصايح لتجنب الاصابة بها.

1- احرصي على غسل منطقة البكيني مرتين في اليوم، لمنع تكاثر البكتيريا والفطريات، وممكن تستخدمي غسول لطيف او صابونة مضادة للجراثيم.

2- اتأكدي من نضافة شفرة حلاقة ازالة الشعر، وبلاش تستخدميها اكتر من مرتين في تنضيف منطقة البكيني، لانها من الاشياء المؤدية لالتهاب الجلد وظهور البكتيرييا المسببة للحبوب.

3- رطبي دايمًا منطقة البكيني بكريمات تحتوي على هيدروكسي ألفا او احماض الجليكوليك، وقشري المنطقة مرتين في الاسبوع، للتخلص من الجلد الميت اللي بيسد المسام ويكون الحبوب.

4- اتجهي للاستحمام بميه دافية قبل ازالة شعر البكيني، او اعملي كمادات ميه سخنة، علشان المسام تتفتح والازالة تبقى سهلة.

5- بلاش تزيلي الشعر في منطقة البكيني عكس الاتجاه، لو كان متجه لاسفل لازم تبدأي من اعلى، لان الطريقة دي بتقلل من فرصة تقصف الشعر ووجوده تحت الجلد مسبب الالتهابات والحبوب.

6- يفضل ازالة الشعر الموجود بمنطقة البكيني كل 3 ايام على الاقل، باستخدام شفرة الحلاقة، لمنع التهاب الجلد واصابته بالعدوى، اما لو كنتي بتستخدمي الشمع او الحلاوة، يبقى من الافضل تستني اسبوعين على الاقل، علشان تزيليه مرة تانية.

7- يفضل تختاري الملابس الداخلية المصنوعة من القطن وتكون مغطية منطقة البكيني كلها، لتقليل احتكاك الجسم بالملابس، ومنع الاصابة بالالتهابات والحبوب.

اقرأ الخبر من مصدره

المصدر | لهلوبة