مش هتصدقى بيحصل ايه في جسمك بعد 10 ساعات من رسم المانيكير؟

الخميس , 17 أغسطس 2017 ,9:21 ص , 9:21 ص

مفيش ست الا وبتستخدم المانيكير وعندها منه الوان مختلفة وكتيرة ويعتبر واحد من اهم التفاصيل اللي اي و احدة بتهتم بيها وبتحب تجدد فيها دايما، لانه بيساعدها على ابراز جمال ايديها واناقتها، لكن كتير من الستات مش بتشوف مكوناته ولا تعرف ايه تأثير وضعه على ضوافرها، وهل في وقت محدد ليه وبعد كده تشيله، كل ده لهلوبة هتقولك عليه في السطور الجاية.

هل هو خطر أصلا على صحتك؟

مش بس المانيكير هو اللي بيشكل خطر، لكن فيه كتير من مستحضرات التجميل بتحتوي على مواد فيها مخاطر كبيرة على صحتك، وده اللي لازم تعرفيه،

التولوين:

دي المادة المسئولة انها تحافظ على لون المانيكير على ضوافرك لمدة طويلة، واللي قد تؤثر على الجهاز العصبي المركزي، غير انها ممكن تسبب اضطرابات في مشكلة الانجاب والحمل، غير أعراض جانبية تانية زي الصداع والضعف والترجيع والاغماء، وده تقريبًا ممكن يحصل بعد وقت بسيط من الاستخدام، وبشكل محدد بعد مرور 10 ساعات.

الفورمالديهايد:

غاز عديم اللون بيساعد على زيادة عمر تخزين المانيكير، وممكن يسبب ليكي مشكلة صحية لو كنتي بتعاني من الحساسية، كمان قد يؤدي إلى التهاب الجلد، وإذا كان ليه تأثير أكبر على جسمك ممكن توصل الأعراض لزيادة في معدل ضربات القلب، والتشنجات، والسرطان.

ديبوتيل رثالات:

المادة دي بيتم اضافتها للمانيكير كعطر، وبتسبب مشاكل في الغدد والجهاز التنفسي.

واجرى مجموعة من الباحثين دراسة على 24 ست استخدموا المانيكير، وبعد 6 ساعات لقوا ان معظمهم بقى عرضة لارتفاع مستويات "ثنائي الفينيل فوسفات"، وبعد 10 ساعات من بدأ التجربة ارتفعت مستوياته عند جميع المشاركات إلى 7 مرات فوق القاعدة، ودي نتايج مثيرة للقلق جدا.

اقرأ الخبر من مصدره

المصدر | لهلوبة