لو قصيرة.. ابعدي عن الملابس دي في شهر العسل

الأربعاء , 16 أغسطس 2017 ,2:22 م , 2:22 م

البنات القصيرة دايمًا بيدورا على التصميمات في الملابس والأحذية اللي تناسبهم وتخليهم يظهروا بشكل كويس جدًا وأطول من المعتاد خصوصًا في الفرح وشهر العسل، لكن عدم الخبرة ممكن يدفعهم لشرا قطع ملابس تظهرهم أقصر من طولهم المعتاد، وعلشان تتفادي المشكلة دي، اسمعى نصايح لهلوبة:

1- ابعدي عن الأحذية العالية المقفولة:

في تصميمات من الأحذية بتظهرك أقصر من المعتاد، زي مثلا الأحذية للي بتكون مقفولة وفيها جزء مفتوح من الأمام للأصابع بس على الرغم من ان شكله شيك إلا أنه تأثيره النهائي عكس المطلوب منه.

2- التنانير تحت الركبة:

كمان اختيارك للشكل ده من التنانير سبب كافي انك تظهري قصيرة جدًا وانتى مع جوزك خصوصا لو كان طويل، والحل هنا اما تختاري التصميم الطويل أو الماكسي أو حتى اللي فوق الركبة مباشرة، علشان تتفادي مشكلة زي دي.

3- ابعدي عن الشنط الكبيرة:

لو كان حجم جسمك صغير أو ضئيل بتظهرك بشكل سئ أو قصير، بسبب عدم وجود اي تناسق بينهم، علشان كده مهم تختاري شنط صغيرة أو على الأقل مناسبة لحجم جسمك.

4- البناطيل الطويلة:

كمان اختيارك للبناطيل لازم يتم على أسس زي انه يكون طويل ويغطي جزء الكاحل، لأنه لو كان قصير هيظهر عظام رجليكى بشكل أقصر، وهيفسد إطلالتك كلها.

5- طول الشعر:

بيلعب دور مهم جدًا فى شكل اطلالتك النهائية، يعني لو لرقبتك طويلة، يبقى من الأحسن تربطى شعرك وتظهريها علشان يبين طولك، أما لو قررتي فرد شعرك على كتفك ده أكيد هيظهرك أقصر.

اقرأ الخبر من مصدره

المصدر | لهلوبة