الراجل بيحب الحاجات اللى انت بتكرهيها في جسمك!

الإثنين , 14 أغسطس 2017 ,11:45 م , 11:45 م

اغلب الستات بيكون عندهم عدم اقتناع بجزء معين من جسمهم او عدم راحة مع مظهرهم الخارجي وبيبقوا دايما عايزين يغيروه، ولو كنتي من النوعية دي فتأكدي انك في ستات كتير بتسعى زيك للكمال والمثالية في شكل جسدهم.

لكن الاعتقاد لازم يتغير لأن اللي انتي ممكن تبقي شايفة انه مش ملائم، يكون هو نفسه مصدر اغراء وانوثة وجذب شديد للراجل، وده بسبب اختلاف معايير الجمال بين الافراد، وعلشان كده في كتير من الرجالة بينفروا من الستات اللي قاموا بعمليات التجميل سواء علشان يغيروا من نفسهم او علشان يقلدوا فنانة معينة.

ومن اكتر الأماكن في الجسم اللي الستات بتكون عايزة تغيرها ونادرا ما تلاقي سيدة راضية عنها هي الارداف اللي بيحاولوا دايما نحتها وجعلها انحف، الا ان في الحقيقة الراجل بيفضل الاراداف الممتلئة شوية واللي بتمثل عنصر جذب قوي.

وبيشير بعض الخبراء لاهمية تجنب تفكير اي ست في مقومات الجسد المثالي في عيون ناس تانية لأن ده ممكن يسبب اضطرابات في الطعام وهيأثر بالسلب على حالتها النفسية وثقنها في نفسها.

ويفضل دايما اتباع نظام غذائي متوازن وصحي، وانها تحافظ على ممارسة الرياضة بشكل عام من اجل نفسها مش اي حد تاني.

اقرأ الخبر من مصدره

المصدر | لهلوبة