الاجهاد الجسدي ممكن يمنعك من الحمل.. شوفي الاسباب

الاحد , 13 أغسطس 2017 ,2:44 م , 2:44 م

على الرغم من ان التوتر والقلق والاجهاد هي اعراض طبيعية بتعاني منها ستات كتير، لكن المفاجئة هو ان الحاجات دي ممكن يكون ليها آثار سلبية على جسمك لدرجة تأثر على الخصوبة وتمنعك من الحمل، وده اللي لهلوبة قررت تعرفك عليه في السطور الجاية وشوفى ايه العلاقة.

ايه علاقة الاجهاد بتأخير الحمل؟

كتير من الستات اللي بيعانوا بشكل كبير من القلق والتوتر والاجهاد البدني، تسبب ليهم فى تأخر الانجاب أو العقم في بعض الحالات، واثبتت دراسة ان حوالي 40% من الستات حملهم بيتأخر لاسباب نفسية بحتة، كمان أكدت انه في الشهر الاول من عدم الحمل بيكون فيه سبب علمي لكن بعد مرور اشهر كثيرة الاسباب النفسية بتتدخل وتبقي الامور معقدة اكتر، وده ممكن يأخر الانجاب لسنوات حتى لو عالجت السبب الحقيقى للعقم.

الدراسات أكدت أن النفسية ليها تأثير كبير على حدوث الحمل وخصوبة المرأة، علشان كده لازم تبدأي في علاج الشعور بالاكتئاب والوحدة قبل ما تعالجي مشاكل الحمل العضوية.

هل ممكن تقللي من الشعور بالتوتر والقلق؟

الاطباء بيأكدوا ان ده ممكن جدً، وبالتالى تحلي مشكلة الخصوبة وتحملي في أسرع وقت، وده من خلال:

1- النوم لساعات طويلة، من اكتر الحاجات اللي بستاعد على الاسترخاء والراحة وبالتالي تأثيرها على زيادة الخصوبة يكون إيجابي جدًا، لأن الساعات اللي الست بتكون الخصوبة عندها عالية هي ساعات الصبح الاولى، ولو نمتى كويس النتيجة ممكن تكون إيجابية.

2- ممارسة الجنس، العلاقة الحميمة بتقلل الشعور بالتوتر والقلق، وبتسبب راحة للجسم، علشان كده ممكن تستغليها في معالجة الشعور ده، ودى فرصة كويسة لزيادة نسبة الخصوبة عندك.

اقرأ الخبر من مصدره

المصدر | لهلوبة