لو بتشتغلي مع جوزك.. ازاي تنجحي علاقتكم الشخصية

الخميس , 10 أغسطس 2017 ,2:35 م , 2:35 م

لما تشتغلي مع جوزك في مكان واحد، فانتم اكيد بتقضوا كل يومكم مع بعض، ده نعمة ونقمة في نفس الوقت، وعلشان جوازكم يكون خالي من الضغط العصبي والتوتر، لهلوبة هتقوبك نصايح للشغل مع جوزللتعامل مع الموقف ده بنجاح:

1- عدم الخلط بين البيت والشغل

لانهم حاجتين مختلفين عن بعض، بعد يوم عمل شاق حاولي تتجنبي الكلام عن مشاكل العمل في البيت، لان ده ممكن يوتر العلاقة بينكم، كمان ردود الفعل ممكن تزعجك، انسي كل ده بمجرد دخولك البيت.

2- المحافظة على مهنية العلاقة:

لو كنتي انتي وجوزك زملاء في نفس مكان الشغل، اتجنبي الكلام معاه بطريقة رسمية، وابعدوا عن اظهار اي مشاعر او كلام في الحب قدام باقي زملائكم لانهم مش هيبطلوا كلام عنكم من وراكم.

3- عدم الاعتماد على الزوج في اتخاذ القرارات:

حاولي تحافظي على وجود مساحة من الحرية والخصوصية لما الامر يتعلق باتخاذ قرارت مهمة في الشغل، فاعتماد كل واحد فيكم على الاخر ممكن يسبب جدال من غير فايدة وعصبية زايدة بينكم.

4- وضع قواعد اساسية:

في الشغل وتلتزموا بيها، زي عدم مناقشة الامور الشخصية خلال ساعات العمل، ولازم كل واحد فيكم يضع في اعتباره ان الثواعد دي مهما كانت لا يجب ان تؤثر على علاقتكم الزوجية.

5- عدم اخذ الامور بشكل شخصي:

ممكن يكون جوزك رئيسك في الشغل او العكس، علشان كده لازم تعرفوا ان اي قرار في الشغل ممكن يحظى بالموافقة او الرفض، فلو حدث خلاف بينكم على شئ بسيط في البيت، وانتي رئيسته في الشغل، بلاش يكون ده سبب تحذير له انه اتأخر دقيقة واحدة على معاد الشغل.

اقرأ الخبر من مصدره

المصدر | لهلوبة