اعرفى إزاى تعاملى حماتك المتطفلة

الإثنين , 24 يوليو 2017 ,12:22 ص , 12:22 ص

الحماة من أكتر الأسباب اللى ممكن تعكر صفو العلاقات الزوجية خصوصا لو كانت متطفلة، خصوصًا ان الخلاف معاها ممكن يكون ليه نتيجة سلبية على علاقتك بجوزك، علشان كده اعرفى ازاي تتعاملي بطريقة ذكية من غير ما تخسرىي.

1- بلاش تفاصيل:

لو سالتك عن حاجة خاصة أو مشكلة بينك وبين جوزك، قوليلها اي موضوع بسيط بلاش الخناقة الحقيقة، لانها ممكن تلعب دور سلبي وتزود المشكلة بينكم.

2- البعد احسن حل:

دايما البعد حل سلمى علشان تقللي من المشاكل اللى ممكن تنتج عن القرب، يعنى الزيارات تكون قليلة ووقتها قصير، واتعاملي معاها بحذر جدا وبلاش تتكلمي عن اي تفاصيل ممكن تستغلها ضدك بعدين.

3- اطلبى من جوزك يساعدك:

لازم تفهمي شريكك ان التدخل فى حياتكم من جانب اهله او اهلك مضر لعلاقتكم، علشان كده اتفقوا انها تفضل سر بينكم وبلاش تخرج بره البيت، ده مهم جدا علشان تنجحي في المهمة.

4- بلاش تتواجدى معاها لواحدك:

الجلسات دي ممكن تكون بداية لكلام طويل واسئلة عن حياتك، علشان كده الاحسن تكون قعدتك معاها وسط تجمع أو في حضور اي شخص تاني.

5- اوعي تحرجيها:

يفضل انها لو سالتك عن تفاصيل حياتكم، تتكلمى عنها بحذر وبلاش تحرجيها علشان ده ممكن يوصل لوقوع مشكلة مع جوزك، اتعاملي معاها بلطف واتكلمي بشكل عام وابعدي عن التفاصيل.

اقرأ الخبر من مصدره

المصدر | لهلوبة