للازواج.. طرق التعامل مع الزوجة وقت الدورة الشهرية

الجمعة , 21 يوليو 2017 ,11:43 ص , 11:43 ص

كل ست بتستقبل الدورة الشهرية كضيف تقيل جاي يزورها كام يوم، طبعا هي اتعودت تواجه آلامها لوحدها، لكن لما اتجوزت او ارتبطت بشكل عام، بتفضل ان شريك حياتها حاسس بيها، علشان كده لهلوبة بتقول لكل الازواج ازاي يتعاملوا مع زوجاتهم خلال الفترة دي:

1- عاملها بحب وحنان:

كتير هتلاقيها منفعلة وبتبكي من غير سبب لان عواطفها غير مستقرة، علشان كده لازم تتحمل ده وتتعامل معاها بقدر زايد من الرومانسية، احضنها وقولها كلام ناعم وعبارات حب تحسسها انها راضية عن نفسها، ده هيساعد على تحسين حالتها المزاجية اكتر مما تتصو ويقلل فرصة وصولها للعصبية

2- تجنب انتقاد مظهرها:

خلال فترة الدورة الشهرية، الست بتكون حساسة وعصبية عن اي سابق، علشان كده بلاش تنتظر انها تتقبل نقدك بصدر رحب، لان الالم الداخلي اللي حاسة بيه، كافي يسببلها احباط واكتئاب، حاول تشيل من قاموسك الوقت ده اي جمل ممكن تضايقها زي انتي وزنك زايد، بقيتي عصبية ، ليه مهملة في نظهرك، ايه الحبوب اللي ظهرت على وجهك دي، لان ده بيزود احباطها وعصبيتها عليك بشكل غير متوقع.

3- ساعدها في شغل البيت:

الراحة من اسرار مقاومة آلام الدورة الشهرية، وبذل مجهود كبير ممكن يضر الست بشكل كبير على المستوى النفسي، علشان كده مهم جدًا خلال الفترة دي تساعدها في شغل البيت، خصوصًا في الايام الاولى من الحيض، ولو كانت ظروف شغلك بتمنع ده، فعلى الاقل بلاش تبينلها انك متضايق او تنتقدها على عدم اهتمامها المعتاد بالنضافة.

4- بلاش تاخد الامور بشكل شخصي:

لو لاحظت ان مراتك متعصبة عليك او بتتخانق معاك على الصغيرة والكبيرة، بلاش ترد على انفعالاتها بالعصبية، لان في الغالب شعورها بالالم وتغير هرمنات جسمها هما السبب وراء تصرفاتها.

5- احسب معاد دورتها:

معرفتك بمعاد الدورة هيساعد على تفهمك لتصرفاتها الغريبة وادراكك انك لازم تتعامل معاها برومانسية، ممكن تدون معاد بدايتها وانتهائها في مفكرة او تنزل تطبيق على الموبايل.

اقرأ الخبر من مصدره

المصدر | لهلوبة