غير مية الورد.. طرق طبيعية لتكبير الثدي

الأربعاء , 12 يوليو 2017 ,10:32 م , 10:32 م

حجم الثدي صغير او كبير بيكون نتيجة جينات وراثية، والبنات اللي فاكرة ان الثدي الصغير مشكلة لهلوبة بتقولهم ان كل مشكلة ليها حل، ومش مية الورد بس اللي ممكن تساعدك على تكبير الصدر، لكن في أكتر من وصفة طبيعية آمنة ممكن تستخدميها لنفس الغرض.

وقبل ما تفكري ازاي الاعتماد على الوصفات دي ممكن يكبر الثدي، لازم تعرفي إن الحجم بيعتمد على زيادة الدهون في الجسم أو زيادة الهرومونات الانثوية، والوصفات دي من مهمتها تعمل كده.

- حليب الصويا:

كوباية منه فيها حوالي 30 مللي جرام استروجين، وده أهم هرمون انثوي ممكن يساعد على زيادة حجم الثديين.

- السمسم:

رشيه على كل المخبوزات لأن فيه استروجين، وكمان لانه بيزود الدهون في الجسم.

- بذور الكتان:

الكتان غني بالاستروجين واكتر من الصويا، لأن في الاوقية الواحدة منه 85 مللي جرام فيتو استروجين.

- الشمر:

بيحتوي على نفس نوع الاستروجين اللي بيفرزه الجسم في فترة الحمل والرضاعة، علشان كده بيعتبر من أحسن الاعشاب المساعدة على تكبير الثدي.

- الحلبة:

الحلبة مهمة للبنات علشان حاجات كتير منها آلام الدورة الشهرية، والجديد انها ممكن تساعدك على تكبير حجم الثديين، لانها بتزود افراز الاستروجين الطبيعي في الجسم.

- الحبوب الكاملة:

القمح والشعير والذرة والرز البني وذرة الفشار كلها حبوب تساعد الجسم على ظبط الهرمونات وبالتالي ممكن تساعد في زيادة الحجم.

- البقوليات:

الفول والفاصوليا بأنواعها والبسلة كلها من الأكلات اللي هتفيدك.

- اللحوم:

اللحوم البيضا في الطيور تحديدا بتفيد جدا في ظبط الهرمونات في الجسم.

- الفواكه:

تحديدا التفاح والبطيخ والرمان والخوخ والبرقوق والفراولة والتوت.

اقرأ الخبر من مصدره

المصدر | لهلوبة