علامة تقولك تاخدي حماتك وانتي بتجيبي الفستان ولا لأ

الإثنين , 12 يونيو 2017 ,2:18 م , 2:18 م

الوقت اللي بتبدأ العروسة تدور فيه على فستان فرحها، بتبقى مشاعرها مختلطة ما بين فرحة وتوتر وقلق، ده لانها بتبقى عايزة تظهر في اجمل شكل، وتبقى طلتها مختلفة ومميزة، علشان كده لازم تاخد بالها مين اللي هينزل يدور ويشتري معاها، وبتسأل بنات كتير هل تاخد حماتها معاها ولا لأ.

ووضح بعض خبراء العلاقات ان اللي ينزل مع العروسة يكون شخص من القريبين منها، مش بس عاطفيا لأ وكمان قريب في الذوق، وده علشان يقلل من التوتر، و تشتيت الافكار عندها، لو كان ذوق حماتك قريب منك وبتتفقوا سوا خديها معاكي، اما لو مفيش اتفاق بينكم واذواقكم بعيدة عن بعض تماما، فبلاش تاخديها من غير كسوف ولا حساسيات لأن الوقت مش وقت توتر وضغط عصبي.

كمان قال الخبراء انك لازم تنسقي مع مامتك في حالة ان حماتك هتيجي معاكي، فحتى لو كانت مامتك عايزة تحتفظ باللحظة دي لنفسها باعتبارها خاصة جدًا ومميزة، فوقتها ممكن تقنعيها ان وجود حماتك مهم ولو لوقت قليل وبعدين تكملوا انتم مع بعض بعدين.

اقرأ الخبر من مصدره

المصدر | لهلوبة