الرئيس يمهل مدير المعهد القومى للتدريب 6 أشهر لإتاحة شهادة الزمالة

الثلاثاء , 23 مايو 2017 ,2:12 م , 2:12 م

أمهل الرئيس عبدالفتاح السيسى، الدكتور أسامة الشاذلى، مدير المعهد القومى للتدريب بالعباسية، 6 أشهر لإتاحة شهادة الزمالة المصرية "Egyptian Board".

بدأ الشاذلى بشرح أعمال تطوير المعهد ثم أكد أنه يجرى حاليا وضع معايير موحدة لتدريب جميع الأطباء على مستوى مصر، لتكون الشهادة معترفا بها دوليا، مؤكدا أن أول ترخيص وتخريج دفعة حاصلة على الزمالة المصرية سيكون فى 2020، أى بعد 3 سنوات.

هنا قاطعه السيسى قائلا: "لازم عنينا تكون على الطب فى مصر وأطبائنا خارج مصر، لازم نبقى جادين وشفافين، 6 شهور كفاية، متنامش لا أنت ولا اللى معاك لحد ما تطلعلى الترخيص، 3 سنين علشان ترخيص ليه؟ 3 سنين كتير أوى.. ولو عايزين تستعينوا بشخص من الخارج ما نجيب"، ثم طالب الرئيس بأن يتم إجراء تقييم كل 3 سنوات أو 5 سنوات، لتجديد الرخصة.

ورد الدكتور مدير المعهد على الرئيس بأن وضع المعايير، التى تتوافق مع المعايير العالمية، وتوحيد طريقة التدريب يستهلك كثيرا من الوقت، ليعقّب الرئيس: "أول دفعة هتخرجوها، هحضرها لو أنا موجود، علشان أهنى المصريين أن بقى عندنا شهادات جدارة نديها لأطبائنا".

اقرأ الخبر من مصدره

المصدر | مبتدا