يهمك | امسح كلمة «Sale» واكتب «الشعب يأمر».. هيجيلك زباين

امسح كلمة «Sale» واكتب «الشعب يأمر».. هيجيلك زباين

الاحد , 30 إبريل 2017 ,10:56 ص , 10:56 ص

حالة الركود التى يشهدها المحل منذ ارتفاع الأسعار وامتناع الناس عن الشراء دفعه إلى استغلال اسم الحملة الشهيرة «الشعب يأمر»، فى الترويج لعروض التخفيضات التى أقرها لإنقاذ البضاعة من الركود، رافضاً استخدام كلمة «Sale» التى تزين أغلب واجهات المحال كنوع من الاختلاف لجذب الزبائن.

محل ملابس فى وسط البلد، لم يتردد فى استبدال كلمة «Sale» بعبارة «الشعب يأمر»، مستغلاً اسم الحملة التى انطلقت منذ ما يقرب من 6 أشهر لمواجهة غلاء الأسعار، ومناشدة المحال التجارية تخفيض الأسعار حتى 30%، لمدة 3 أشهر من تدشينها، «إحنا قلنا بدل ما نعمل عروض تخفيضات والناس كده كده متعودة عليها وأغلبهم مش بيصدقها نحط شعار الحملة يمكن

الناس تيجى»، حسب حمدى حسن، مسئول الحسابات بالمحل، مؤكداً أن استخدام المبادرة كان الأفضل خصوصاً أن المحل يقدم عروضاً تخفيضية حقيقية: «عاملين عروض أكتر من النص، البلوفر اللى بـ390 بنبيعه بـ150 يعنى سعر صعب تلاقيه فى أى مكان تانى».

أكثر من عرض قدمه المحل طوال الفترة الماضية على أمل التخلص من البضاعة المركونة: «خلال الأوكازيون الشتوى عملنا عرض كويس، تشترى تيشيرتين وتاخد التالت بـ100 جنيه بس»، كل تلك الوسائل يراها مهمة لتنشيط حركة البيع حتى لو أدت إلى مكسب قليل: «دلوقتى بيجيلنا ناس أكتر من الأول، المبادرة دى عاملة شغل، حتى لو الناس مش محتاجة اللبس دلوقتى بتشترى فى التخفيضات وتركنه للسنة الجاية، لأن الأسعار أكيد هتبقى أغلى من دلوقتى».

اقرأ الخبر من مصدره

المصدر | الوطن