الغلاء يضرب سوق الأحذية بالفحامين: ما بعناش ولا فردة

الاحد , 30 إبريل 2017 ,10:55 ص , 10:55 ص

أكوام من الأحذية والشباشب مرصوصة فى شارع الفحامين بالدرب الأحمر، يجلس أمامها الباعة بدون حراك، لا الأحذية تباع ولا الباعة يتحركون من أماكنهم، فشراء حذاء جديد أصبح من الرفاهيات التى استغنى عنها المصريون بسبب الأزمة الاقتصادية وارتفاع الأسعار.

جلس مصطفى سند، بائع، بجلبابه الصعيدى أمام فرشة أحذية والشباشب، يتحدث مع زملائه بغضب: «أنا صعبان عليا صاحب المحل أكتر من نفسى»، «حذاء واحد فى العام»، شعار يرفعه المواطنون فى أزمة الغلاء، أثر على أصحاب محال الأحذية الذين أصبحوا يدللون على بضاعتهم الراكدة: «والله أنا الشبشب اللى لابسه بقاله سنتين فى رجلى مش عارف أغيره».

ياسين عبدالرحيم، أحد الباعة فى شارع الفحامين، يجلس فى الشارع التجارى الذى كان مزدحماً، فأصبح خالياً إلا من الباعة: «إحنا كان البيع عندنا جملة، مفيش قطاعى، ولما البيع قل فى محلات وسط البلد ما بقاش حد ييجى، ما لو القطاعى شغال كنا اشتغلنا إحنا، الناس ما بتغيرش جزم». «من كام سنة مكنتش تعرف تمشى فى الشارع من الزحمة»، كلمات محمد لطفى،

مبرراً تغيير الحال بسبب زيادة السعر إلى الضعف: «صعوبة الحياة دايرة على الكل، أنا واحد من الناس 3 أيام ما استفتحتش، مابعتش ولا فردة لحد دلوقتى». يحكى هانى أحمد عن أن المواطنين قرروا عدم تغيير الحذاء وإذا تلف يقومون بإصلاحه أوفر من شراء جديد وهناك من يذهب لأسواق تبيع المستعمل: «غلو الأسعار أثر على كل حاجة، الناس مش معاها حق الجزمة، وإحنا اللى متضررين».

اقرأ الخبر من مصدره

المصدر | الوطن