زياد العليمي: بكاء أهالي المعتقلين أصدق من دموع السيسي

الإثنين , 26 ديسمبر 2016 ,9:14 م , 9:14 م

علّق البرلماني السابق زياد العليمي، على بكاء الرئيس عبد الفتاح السيسي، أثناء افتتاحه للتوسعات الجديدة بشركة النصر للكيماويات، السبت الماضي.

وقال "العليمي" في تدوينة عبر صفحته الشخصية بموقع التواصل الاجتماعي "فيس بوك": "دموع أم بتستنى اليوم اللي إبنها يخرج فيه من سجونك، دموع طفلة بتشوف أبوها بقالها سنين من ورا قضبان أقفاص الحبس، دموع زوجة مش عارفة مكان زوجها المختفي قسريًا على إيد نظامك، دموع أسرة على إبنها اللي قتله نظامك".

وتابع: "دموع ملايين مابقوش عارفين يعيشوا إزاي وهما بيدفعوا فاتورة فشلك الاقتصادي، دموع عجوز مش لاقي علاج بسبب سياساتك، دموع أب مش عارف يدفع مصاريف تعليم أولاده، دموع شاب تحت التعذيب بإيد جلادينك".

وواصل: " دموع أطفال الجوع قارصهم ومش عارفين هياكلوا إمتى وإزاي، دموع آلاف خايفين يرجعوا بلدهم علشان مايبقاش مصيرهم مصير كل دول".

واختتم: "تفتكر، أصدق دموع الناس دي، ولا أصدق دموع اللي وصلهم لكده، تفتكر أصدق دموع المجرم ولا دموع ضحاياه؟ دموعهم أصدق".

وبكى الرئيس عبد الفتاح السيسي، أثناء افتتاحه للتوسعات الجديدة بشركة النصر للكيماويات الوسيطة بمنطقة أبو رواش في الجيزة، السبت الماضي، حينما تفاعل أحد الحضور قائلًا: "بنحبك يا ريس ومعاك"، وتعتبر هذه المرة السابعة التي بكى فيها السيسي خلال خطاباته.

اقرأ الخبر من مصدره

المصدر | مصر العربية