كشف الكاتب الصحفي تامر أبو عرب عن تنازل الحكومة المصرية عن الضرائب المستحقة على المشروعات التي تنفذها إحدى الشركات الألمانية بمصر.
وقال "أبو عرب" في تدوينة عبر حسابه بـ"فيس بوك": "طبعا كلنا عارفين إن فيه قرار صدر يوم الخميس بزيادة الجمارك على 364 سلعة استفزازية .. طيب عارفين إيه المستفز أكتر؟ .. إن الحكومة وافقت قبلها ب24 ساعة على إعفاء عقود مشروعات محطات الكهرباء التلاتة اللي بتنفذها شركة سيمنس الألمانية في مصر من كل الرسوم والضرائب المستحقة عليها". وأضاف: "التلات عقود دول قيمتهم حوالي 9 مليار دولار، تخيلوا بقي الضرائب والرسوم عليهم يبقوا كام، وعلى فكرة دي مش مساعدات ولا معونات ولا منح دي صفقة هتدفع مصر قيمتها بالسحتوت، بس علشان احنا دولة غنية فمش محتاجين ضرائب ورسوم وكلام فارغ من ده" حسب تعبيره.
وأردف: "حد يسألهم والنبي ليه في نفس الوقت اللي كانوا بيرفعوا فيه الجمارك على الناس، كانوا بيعفوا شركة أجنبية من الضرايب والرسوم بعد ما اديناها أكبر صفقة في تاريخها وأنقذناها من المشاكل الاقتصادية الكبيرة اللي كانت بتعاني منها، نكونش اتبنيناهم وللا حاجة؟".
بعد واقعة الدواجن الحكومة تتنازل عن مليارات جديدة لصالح شركة شهيرة
مصدر الخبر
المصريون