كشفت الفنانة السورية أصالة، أن طفلها علي يمر بقصة حب كبيرة وتعد هي الأولى في حياته ونشرت صورة له عبر صفحتها الشخصية بموقع "إنستجرام".
أصالة، علقت على صورة صغيرها قائلة:"علّوشة بيحب، وأكيد كونه رسّام موهوب بيحب زيادة عن العادي، تخانق من مدّه مع حبيبته وقال ماله غير أختها يشتكيلها منها، اتّصل فيها من الموبايل اللي شايفينه بالصورة وقعد يفضفضلها، والحقيقة إنّه اتصل بأختها لأنّه كمان صحاب معها، وقامت طلعت أختها عصبيّه وقالتله كلام عن جد بايخ، هلّأ هوّه كان شوي فاقد وعيه (لأنّه كتير معلّق بحبيبته ومتخانق معها خناقه كبيره بنفس الوقت)".
وأضافت: "أنا الحقيقة سمعت غصبن عنّي المكالمة وحاولت لطّف الأجواء، وعلوشتي بس يخلص من شوية التعصيب بيهدا وبيبتدي يفكّر وبيعتذر، وعلّوشة لمّا بيعتذر بيتصدّق لأنّه تاريخه بيشهدله، وبعد مابعت رسالة لأختها اللي هيّي بنوته مو سهله ومو كتير طيبة متل ما كان هوّه مفكرها، ومفادها إنّه بيعتذر طبعاً وللأسف بالإنكليزي ( لسّه مابيعرف يكتب عربي)، بعتتله الأخت رسالة واللي هوّه بالصورة بيقراها، وكمان كانت بذات اللغة، قاسية وقويّة وكلام بمنتهى الغرابة، المهم تصالح هوّه وحبيبته وضلّت علاقته بأختها سيئة للغاية لدرجة إنها لو جنّت عالساندويتش تبعه بالمدرسة مابيعطيها عضّه، وقلّه أدّومي (يا أخي ما كان فيه داعي تدخّل حدا بينك وبين حبيبتك، شوفني أنا لهلّأ ماحدا بيعرف مين حبيبتي أصلاً)".