«قميص أبيض كاروهات بـ 12 ألف جنيه».. هذه ليست مزحة، ولكن إعلان عن قميص بمواصفات خارقة تداوله رواد موقع التواصل الاجتماعي «فيس بوك» علي مدار 48 ساعة.
أما عن سبب هذا السعر المبالغ فيه، عرض مسئول الصفحة صاحبة الإعلان، بطريقة مشوقة مميزات القميص قائلا:
قبل ما تسأل السعر دا ليه اعرف الأول عن القميص:
-عدد خطوط الكاروهات إللي في القميص هي نفس عدد خطوط الطول والعرض اللي في الكرة الأرضية ودا بيديك طاقة إيجابية عالية جدا.
- اللون الأبيض إللي في القميص درجة لونه بتعمل على الراحة النفسية والخطوط اللي بالرمادي بتنفذ قانون تضاد العناصر مع الخلفية.
- غير أن القميص ده معالج حراريا بألياف صناعية بتدفي جسمك في الشتاء وتبرد جسمك في الصيف
- القميص مغسول اكتر من 46 مرة لعدم الانكماش أو التمدد
وبعد إعلان القائم على الصفحة السعر النهائى لتلك المميزات التى تم ذكرها، كانت المفآجاة أن القميص سعره "12.000" ألف فقط ولفتره محدودة جدًا.
وآثار سعر ومميزات القميص سخرية رواد موقع التواصل الاجتماعي، قائلين: "ليه هو هيروح المشوار مكاني"، "لو ماما جت معايا هتجيبه بـ120 جنيها"، و"هو أنا لو معايا 12000 هكتئب ليه؟".
