الولادة القيصرية متعبة وتجربة شاقة على اي ست، وبتسبب ألم كبير جدا بعدها واللي بيتم تخفيفه بالمسكنات في الاغلب، لكن في ابحاث اثبتت ان الرضاعة الطبيعية بتخفف ألم ومعاناة ما بعد الولادة القيصرية.
الابحاث اتعملت على ستات اتعرضوا لعملية الولادة القيصرية، وبدأوا بعدها في الرضاعة الطبيعية، ووجد الباحثين ان الستات اللي رضعوا طبيعي لمدة 4 شهور بعد الجراحة كانت آلام الولادة عندهم أخف ومحتملة أكتر من اللي رضعوا طبيعي لمدة شهرين بس.
واستنتج الباحثون، ان الرضاعة الطبيعية بتقلل الاحساس بالتعب والألم، نتيجة لأن الهرمونات بتتوازن في الجسم وبتقلل التوتر اللي بدوره بيزود الاحساس بالوجع.
ورغم ان كتير من الستات ممكن يحسوا بألم في الثدي مع الرضاعة الطبيعية الا ان الدكاترة بينصحوا انهم يتحملوا ويكملوا في الرضاعة كل ساعتين أو تلاتة لأن ده هيقلل تدريجيًا الاحتقان في الجسم خصوصا منطقة الجراحة وهيساعد على الالتئام أسرع.