مش من السهل انك تعرفي الراجل ده بيحبك ولا لأ، وعلشان تفهميه الشخصية اللي قدامك صح، لهلوبة هتقولك على مجموعة علامات تساعدك تعرفي لو كان بيحبك في صمت ولا دي مجرد أوهام:
1- بيهتم بشعره:
لو كان الشخص اللي حاسة انه بيحبك كل اما يقابلك تلاقيه مهتم بشعره وبمظهره قدامك، اعرفي ان دي علامة على انه واقع في غرامك وبيحبك لأن الراجل لما يحب، بيفضل يهتم بمظهره زيادة عن الحد.
2- تلاقيه حواليكي في كل مكان:
من ضمن طرق الجذب الرجالي انك تلاقي الشخص ده موجود في أي مكان انتى فيه أو بيكون حريص انه يكون حواليكي أو قريب منك، لأن دي طريقة تضمن ليه الوجود جنبك وانه يظهر قدامك كتير.
3- يتحدث ببلاغة:
لأنه دايما عايز يكون مقنع في كلامه أو أي في حاجة بيعرضها عليكي، وده سبب كافي يخليه يستخدم كلمات قوية ورنانة علشان تحسى انه صاحب وجهة نظر ورأي مهم.
4- بيحاول يقلدك:
علشان يوصلك انه بيحبك من الممكن تلاحظى انه بيقلد تصرفاتك في شوية تفاصيل زي الاهتمام، طريقة الكلام، الأفكار، أو حتى طريقة الوقفة، دي طريقة مضمونة بيستخدمها بعض الرجالة علشان تحسى انه قريب منك.
5- متحمس دايمًا في الكلام معاكي
لو حسيتى انه متحمس وهو بيتكلم معاكي، لازم تعرفي ان الراجل ده بيحبك، حتى وهو عصبي أكتر حاجة بيهتم بيها قدامك انه يحافظ قدر الامكان على هدوءه والتحكم في نفسه لأنه يحب يظهر قدامك بمظهر جيد طول الوقت.