أحيت رشا سامي العدل، ابنة الفنان الراحل سامي العدل، الذكرى الأولى لرحيله برسالة مبكية عبر صفحتها الشخصية بموقع "فيس بوك".
رشا العدل، قالت في رسالتها: "وحشتني رسايلك ليا لما كنت بغيب عنك أو أسافر وحشني هزارنا مع بعض و دلعنا لبعض و كمان لكا كنا نناقر في بعض و نغلس على بعض وحشني لما كنت بعاملك على انك ابني و أخدك في حضني وحشني حضنك و لمسة أيدك على كتفي و أنت بتضمني ليك و تحسسني بأمان و إن الدنيا بخير وحشتني ملامحك و وحشني الطفل اللي جواك وحشني زعيقك و شخطك فينا وحشني صوتك اللي كنت لما اسمعه من تليفزيون و أنا في أي مكان اتخض و ابص ورايا وحشتني ضحكتك و نكتك وحشني حسك اللي كان مالي عليا دنيتي".
وأضافت: "ماقدرتش أتفرج على مسلسلات رمضان السنة دي و لا أجي جمب التلفزيون ، أصل أنت ماكنتش فيهم و أنا أتعودت يا نتفرج سوا يا تكلمني تسألني رأيي و أتعودت أول يوم رمضان و كل عزومة فيه نتفرج كلنا معاك لما بيكون ميعاد عرض مسلسل ليك بعد الفطار ... ممكن الناس تنساك أو تتناساك بس أنا عمري ما هاقدر انسي روحي اللي سبب حياتي دلوقتي".
وتابعت: "كان نفسي تكون معايا دلوقتي و تشوف ولادك و أحفادك هاتكون فخور بيهم أوى كل واحد من بعدك قرر يغير أسلوب حياته و يثبت إن اللي خلف ما راح ...يا رب تكون بتنعم بالجنة و شايفنا و مبسوط بينا".
وأنهت رسالتها قائلة: "زي النهاردة و بالتحديد في الوقت ده تقريبًا خبر وفاتك زعل ناس كتير و أنا الوحيدة اللي كنت معاك ...7 ساعات متواصلة دموعي بتنزل لوحدها و أنا ببوسك و اقرأ قرآن و صوتي محبوس و كنت حاسة أنى بموت معاك زى دلوقتي إحساسي صعب و أنا بكتب الكلام ده بين دموع و ألم كأني بعيش الساعاتمن أول و جديد....ماحدش هايفهم أنا كنت عاملة أزاي و لا حضر حالتي غير أول ناس شوفتها في أول ال 7 ساعات دول Nancy Zohney اللي أغم عليها و شلوها برة و Rola Asseir اللي ماستحملتش 3 دقايق على بعض و خرجت و مش هانسى موقفهم أبداً ....وحشتنى أوي".
ابنة سامي العدل تحيي ذكرى وفاته بكلمات مبكية
مصدر الخبر
الدستور