كرات الاستحمام الفوارة أو "الباث بومب"، اختراع جديد، كتير من البنات بتحبه لانه بيدي الحمام لمسة جديدة ومختلفة وفيها ترفيه ودلع، ولو مش عارفة تجيبيها منين، أو لقيتيها بس غالية عليكي، أو لو عايزة تعرفي مكوناتها علشان تستخدميها وانتي مطمنة، لهلوبة جابتلك وصفة الباث بوم وازاي تعمليها في البيت بمنتهى السهولة.
المكونات:
2 كوب بيكينج صودا - كوب ملح انجليزي - كوب حمض السيتريك - كوب نشا - 2 ملعقة زيوت عطرية - 5 ملاعق زيت جوزهند - رذاذ ماء - ألوان طبيعية.
الطريقة:
- نخلط المكونات الجافة الأول كويس جدا.
- نضيف الزيوت على الخليط.
- نعجن الخليط برذاذ الميه لحد ما يتماسك.
- نقسم الخليط لـ3 مجموعات أو أكتر أو أقل حسب رغبتك.
- نضيف الألوان "5 نقط" على كل جزء علشان يبقى عندنا كور ملونة.
- نقلب الخليط مع الألوان لحد ما يتلون كله.
- ممكن نرش ميه تاني علشان نحافظ على تماسك الخليط.
- في كور معدنية صغيرة نفرد الخليط ونضغطه كويس جدا.
- نسيبها ليلة تنشف وبعدين نقدر نستخدمها في الحمام.