نظرا للظروف المادية الصعبة التى تواجه الشباب فى الوقت الحالى وارتفاع الأسعار بشكل باهظ الثمن وتحمل الشاب الكثير من المصاريف والأعباء المادية التى تواجهه أثناء الإقبال على الزواج فقمنا بتوجيه أسئلة لبعض الفتيات على الفيس بوك هل تقبلين شبكة فضة بدل من الذهب للتخفيف على خطيبك من أعباء الزواج ،ونرصد مجموعة من أبرز تعليقات الفتيات على الشبكة الفضة.
قالت " شيماء محمود " :على فكرة البنت التى تقبل بأقل شيئ أملا فيأن يعوضها الله بعد ذلك بأضعاف ما كانت تتمناه، وأضافت:"أرى أن الشبكة الدهب مجرد شكليات ليس لها داعي، مضيفة: "أنا عن نفسي لما خطيبي جه يخطبني كان ممكن أوافق عادي بالفضة لان كل دي شكليات المهم التفاهم والحب والرضا بين الطرفين وعلى فكرة الفضة بتبقي اشيك اصلا من الدهب تحس كدة انها حاجة قيمة".
بينما جاء رد "هاجر عبد الله بقولها :" يا عينى على اللى وصلناله الله يكون في عون الشباب والناس كلها"، فيما كان لراجية محمد رأي آخر حيث قالت :" كلنا عارفين انه بمعدن الشخص وان الوحده متتقدرش بالدهب والكلام ده كله بس فكره الدهب معموله ليه عشان يحط ف باله انه تعب علشان يجيبلها الشبكة وانها غاليه عنده مش جايبلها شبكه اى كلام حتى ولو بدبله دهب بس مش لازم شبكه كامله ابدا موافقش انى اتجوز بفضة" .