اعادة ثفة الست في نفسها بعد الطلاق امر متعب لكنه يستحق، في ستات كتير عندهم اعتقاد ان الانفصال نهاية العالم بالنسبة لهم، خصوصًا مع وجود اطفال ومسؤوليات كتير، علشان كده لهلوبة جيبالك طرق لاعادة الثقة:
1- اول حاجة لازم تكوني واثقة ان الطلاق هو بداية النهاية لكل المواقف المؤلمة اللي كانت قبله، وتتعاملي مع ده من اعماقك وانتي مؤمنة بيه.
2- التظاهر بالقوة حل غير جيد للمرأة المطلقة، ومن الطبيعي يتملكها بعض الغضب والحزن، اللي لازم تتقبلهم وتعطي لنفسها مساحة في التعبير عن اللي حاسه بيه، لان البكاء احيانًا يغسل الالم، لكن مهم جدا عدم الاستسلام للحزن، وحاولي تتغلبي عليه بالتفاؤل.
3- على كل ست عايزة تعيد ثقتها في نفسها بعد الطلاق انها تخلق عالمها الجديد، وتدور على صداقات جديدة، وتمارس هواية بتحبها، ووضع اهداف جديدة ناوية تحققها.
4- السفر مفيد في اعادة الثقة بالنفس، وممكن تاخدي اجازة من كل حاجة وتسافري، لتجديد التوازن والسعادة في حياتك مرة تانية.
5- مهم جدًا تسامحي نفسك او طليقك علشان تتخلصي من كل المشاعر السلبية، لان المسامحة تغسل القلب من كل ألم وغضب.