وجه الرئيس عبد الفتاح السيسى، بسرعة إنهاء مشروعات محطات الصرف الصحى الجديدة.
وأضاف السيسى موجها حديثه لوزير الإسكان مصطفى مدبولى: "فى 5 مصارف على بحيرة المنزلة هتعملوا فيها إيه؟"، فقال مدبولى: "شغالين فى مشروع تطهير جزء من هذه المصارف، هنبدأ ننفذ باقى المناطق وهيتعمل تصور لمحطات كبيرة تقدر تعالج المياه معالجة ثلاثية".
فقعب السيسى على حديثه قائلا: "امتى بتوع المنزلة؟"، فأشار الوزير إلى أن حجم القرى كبير، وحجم التنفيذ سيكون كبيرا، بالتعاون مع الهيئة الهندسية بتكلفة إجمالية تتجاوز 40 مليار جنيه.
وتابع السيسى: "لازم كل الناس تعرف فى مصر أن كل إجراء ماعملنهوش خلال سنين طويلة يترتب عليه أرقام ضخمة، بتكلم فى بحيرة واحدة بينزل عليها صرف زراعى وصناعى، من 11 بحيرة، بحيرة واحدة عاوز تعمل فيها محطات معالجة للمياه هتدفع فيها 40 مليار، وإلا هتكون غير مناسبة. مصر بتفقد 130 ألف فدان مياه فى البحيرة، كانت ممكن تبقى مزرعة سمكية توفر السمك للناس، وكانت كده من 50 سنة".
وأردف قائلا: "بقول يا ترى أنتوا عاوزين نعالج الكلام ده ولا نسيبه؟ أنا معرفش أشوف حاجة غلط وأسكت عليها. مصطفى متكلمش عن محطات المعالجة عشان يهرب منى".
ومن جانبه، أوضح كامل الوزير، رئيس الهيئة الهندسية للقوات المسلحة، أن الانتهاء من المعالجة سيكون خلال 3 سنوات، كما أشار إلى وجود 165 ألف فدان تعديات على أراضى الدولة.
فعقب السيسى قائلا: "التعدى بقى تاريخ فى مصر. بقول لوزير الداخلية والقوات المسلحة أى حد هيقف قدام القانون ننتعامل معاه بالقانون، مهما كان العدد، يا تبقى دولة مظبوط يا إما أنا مستحقش أعيش، لو الدولة متبقاش دولة أنا المفروض ماعيش، ولا إحنا نعيش كل واحد يعمل اللى هو عاوزه".