علقت الدكتورة منى البرنس أستاذ الأدب الإنجليزي بجامعة السويس، على نشرها فيديو عبر صفحتها الشخصية وهي تؤدي وصلة رقص على موسيقى أغنية للمطربة روبي.
وكتبت" البرنس"، في تدوينة على حسابها بموقع الواصل الاجتماعي "فيسبوك"، اليوم الأربعاء، "مش من عادتي أبدأ اليوم بالكلام، واللي يعرفوني عن قرب عارفين إني حد بيحب العزلة إلي حد ما، وبيحب يركز في شغله إن كان كتابة أو ترجمة أو تدريس.. بس بسبب الهيصة اللي اتعملت دي، مضطرة أبقي تحت الضوء بالشكل ده ليومين تلاتة".
وتابعت: "أنا بشكر كل شخص كتب كلمة حلوة في حقي، ومش زعلانة أبدا من وجهات النظر المختلفة عن وجهة نظري.. أما الناس اللي بتشتم فدول هعملهم بلوك تباعا كل ما يقع تحت إيدي تعليق قذر بيدل علي شخصياتهم، أنا مش هقدر أرد وأعلق علي كل شخص بصراحة لأن كتير اوي. بس حقيقي بشكر كل الناس المتضامنة معايا".
وأضافت: "مشروعي القادم، زي ما كتبت قبل كده هو ترجمة رواية اليس ووكر، اللون القرمزي حلم عمر بالنسبة لي.. وهبتدي أخد الخطوات لتحقيق الحلم ده.. في نفس الوقت هاخد كل الخطوات القانونية المتبعة الخاصة بموضوع الصور والفيديو".