كشف محمد أنور نجم مسرح مصر عن الخلافات التي نشبت بينه وبين الفنان مصطفى خاطر قبل دخولهما الساحة الفنية، وقال أنور:" خاطر هو أول حد وقف ضد مصلحته عندما قرر أن يلتحق بفريق التمثيل بكلية الحقوق بجامعة عين شمس، حيث إن خاطر كان يطرده من الفريق دائمًا".
وأضاف أنور عبر صفحته الرسمية على موقع "إنستجرام" "كان دايما مش حابب وجودي وأنا كنت بتمنى أنه يتخرج بقي أو يهاجر أو يتسجن مثلا المهم مشوفوش تاني".
وأضاف أن خاطر تغيرت معاملته معه بنسبة 360 درجة، وأصبحوا أصدقاء، قائلًا: "كان بيقول لكل الناس ده ابني وبقينا نروح سوا ونيجي سوا وفرح اوي لما اكتشف اني ساكن جنبه رغم اني كان بقالي سنتين بروح معاه ولا كان واخد باله".
وأكد أنور أن مصطفى خاطر هو أول شخص أعطى له فرصة الوقوف على مسرح جامعة عين شمس وأسند له أول بطولة مسرحية لافتًا أنه كان في هذا الوقت جديدا بالنسبة للجامعة".
واستطرد أنور قائلًا "خلي الجامعة كلها تحبني وبعدها كان دايما أول حد في كل حاجة حلوة في حياتي فخور بنجاحه وأكتر حد فرحان عشانه لأني شوفت معاه سنين كتير كلها تعب وشقا".