عادة قديمة لجلب العريس، لكنها عادت مجدداً بعد ارتفاع نسبة العنوسة، استخدام شباك الصيد فى جلب العريس هى الحيلة التى لجأت لها الأمهات فى الإسكندرية لفك نحس بناتهن حسب اعتقادهن، وهى عادة متوارثة منذ زمن بعيد، وحسب هدير عبدالرحمن، فإنها بعد أن بلغت التاسعة والعشرين بدون زواج، أحضرت لها والدتها شبكة صيد وطلبت منها أن ترتديها حول خصرها: «رجعت من الشغل لقيت ماما جايبة شبكة صيد وبتقولى لفيها حولين وسطك وإوعى تقلعيها أبداً حتى وإنتى نايمة لحد ما ييجى العريس».. تحدثت «هدير» عن طلب والدتها الغريب واعتقادها بأن شبكة الصيد ستجلب لها العريس فى الحال: «دى عادة قديمة كانوا جدودنا بيعملوها زمان، ورجعت تانى بعد تفاقم مشكلة العنوسة».
وحسب «هدير»، فإن والدتها دائماً ما تستمع لنصائح جيرانها وصديقاتها وتجرب فيها كل العادات القديمة: «أنا مقتنعة إن كل دى خرافات ملهاش أى علاقة بالعريس ولا الجواز ولا هتقدم ولا هتاخر».
عادل العزبى، 75 عاماً، وأحد كبار الصيادين، فى منطقة بحرى، شاهد على هذه العادة الغريبة المنتشرة فى الإسكندرية: «كل شوية يجيلنا أب أو أم يطلبوا متر شبك علشان بنتهم تلبسها علشان ربنا يرزقها بعريس، ويكون رزقها زى رزقنا فى الصيد، فى شبكة بتنزل البحر تجيب رزق حلو».
لافتاً إلى أنها عادة قديمة كانت النساء يتبعنها عندما تبلغ البنت 18 عاماً ولا تتزوج: «زمان كانت البنات بتتجوز بسرعة واللى يعدى عمرها 18 سنة ومتتجوزش يبقى كبرت، بس دلوقتى بيلجأوا ليها بعد ما البنت تعدى الـ25، ومش كل الناس عارفها، أكتر ناس عارفة العادة دى هما بتوع بحرى والإسكندرية بشكل عام».