تحدث الرئيس عبد الفتاح السيسي عن الشاحنات والسيارات التي تعبر من ميناء سفاجا البري، قائلا: «حد يقولي من اللي موجودين هنا حجم العربيات اللي بتدخل مصر بكام وبياخدوا وقود قد إيه في السنة ومصر بتدفع فيه كام لو محدش حسبها يبقى مش واخد باله».
وأضاف السيسي، خلال افتتاحه اليوم الخميس أعمال تطوير ميناء سفاجا: «دي بلدنا وكل جنيه بيتحسب فيها كويس أوي وهيعمل فروق كتيرة»، متابعًا: «إحنا بندعم الشغل والعمل والنشاط لكن عايزين طبقا للقواعد إذا كنا بنوفر الوقود أسكت، بس مفيش حاجة كده مش محسوبة».
وشهد الرئيس عبد الفتاح السيسي، افتتاح أعمال تطوير ميناء سفاجا، وذلك بعد تأجيله عقب موجة السيول الأخيرة التي اجتاحت مناطق البحر الأحمر، بجانب افتتاحه عددًا من المشروعات المجمعة، عبر الفيديو كونفرانس.
كما يفتتح السيسي من داخل ميناء سفاجا، ميناء أرقين البري بين مصر والسودان، معلنًا بدء تشغيله فعليًا لتشجيع حركة التجارة بين البلدين، إذ بدأ التشغيل التجريبي له منذ أسابيع.